હવામાન / દેશના આ વિસ્તારોમાં હળવાથી મધ્યમ વરસાદની આગાહી, ખેડૂતોને રવિ પાક ખરાબ થઈ જવાની ભીતિ

• દેશના અમુક વિસ્તારોમાં વરસાદની હવામાન વિભાગની આગાહી 
• વેસ્ટર્ન ડિસ્ટર્બન્સની ગતિવિધિને કારણે વાદળછાયું આકાશ
• રાજધાનીમાં હવામાનમાં પલટો જોવા મળ્યો 

દિલ્હીમાં હવામાનમાં પલટો 

મંગળવારથી બે દિવસ રાજધાનીમાં હવામાનમાં પલટો જોવા મળી રહ્યો છે. વેસ્ટર્ન ડિસ્ટર્બન્સની ગતિવિધિને કારણે વાદળછાયું આકાશ સાથે વરસાદની શક્યતા છે. હવામાન વિભાગે આગામી 24 કલાકમાં વાદળછાયા આકાશ સાથે રાત્રિ સુધી હળવા વરસાદની આગાહી કરી છે.

તમામ ઋતુ એક સાથે?
હવામાન વિભાગના જણાવ્યા અનુસાર, સોમવારે મહત્તમ તાપમાન 26.1 ડિગ્રી સેલ્સિયસ નોંધાયું હતું, જે સામાન્ય કરતાં ત્રણ વધુ અને લઘુત્તમ તાપમાન 8.8 ડિગ્રી સેલ્સિયસ હતું. હવામાં ભેજનું સ્તર 36 થી 97% સુધી હતું. સવારે આછું ધુમ્મસ નોંધાયું હતું, જ્યારે દિવસભર તડકો રહ્યો હતો.

હળવાથી મધ્યમ વરસાદની આગાહી
હવામાન વિભાગે આગાહી કરી છે કે વેસ્ટર્ન ડિસ્ટર્બન્સની પ્રવૃત્તિને કારણે દિવસભર વાદળછાયું વાતાવરણ રહેશે. દિલ્હીના કેટલાક વિસ્તારોમાં રાત સુધી હળવો વરસાદ થવાની સંભાવના છે. બુધવારે યલો એલર્ટ જારી કરતી વખતે, હવામાન વિભાગે 25 થી 35 કિમી પ્રતિ કલાકની ઝડપે પવનની ઝડપ સાથે હળવાથી મધ્યમ વરસાદની આગાહી કરી છે. આગામી 24 કલાકમાં મહત્તમ તાપમાન 27 ડિગ્રી અને લઘુત્તમ તાપમાન 11 ડિગ્રી સેલ્સિયસ રહેશે.