અપડેટ / ગુજરાતના આ વિસ્તારમાં વરસાદ કાઢશે વારો..! કેવું રહેશે જોર? જાણો હવામાન વિભાગની આગાહી

રાજ્યમાં ફરી એકવાર વરસાદી રાઉન્ડ શરૂ થયો છે. ત્યારે ક્યાંક ઝાપટા તો ક્યાંક ધમધોકાર વરસી રહ્યો છે. જેના પગલે ખેડૂતો ચિંતમાં મુકાઈ ગયા છે. કારણે પાક કાપણીના સમયએ જ વરસાદે મંડાણ કરતા પાક નુકસાનીની ભીંતિ સેવી રહ્યાં છે. જો કે, હવામાન વિભાગે કેટલાક જિલ્લાઓમાં હળવાથી મધ્યમ વરસાદની પણ આગાહી કરી છે.

મધ્યમ વરસાદની આગાહી

હવામાન વિભાગે આગાહી કરી છે કે, 2 અને 3 ઓક્ટોમબરે દક્ષિણ ગુજરાતના જિલ્લાઓમાં અમુક સ્થળોએ હળવાથી મધ્યમ ગાજવીજ સાથે વરસાદની સંભાવના છે. જેમ કે નર્મદા, સુરત, ડાંગ, તાપી, નવસારી, વલસાડ અને દમણ, દાદરા નગર હવેલીમા તેમજ સૌરાષ્ટ્રના જિલ્લાઓમાં અમરેલી, ભાવનગર, ગીર સોમનાથ અને દીવ વરસાદની આગાહી કરાઈ છે. જ્યારે અન્ય જિલ્લાઓમાં શુષ્ક હવામાનની સંભાવના છે

4 ઓક્ટોમબરે આ જિલ્લામાં આગાહી

જ્યારે 4 ઓક્ટોમબરના રોજ દક્ષિણ ગુજરાતના જિલ્લાઓમાં છૂટાછવાયા સ્થળોએ હળવાથી મધ્યમ ગાજવીજ સાથે વરસાદની સંભાવના છે. નર્મદા, ભરૂચ, સુરત, ડાંગ, તાપી, નવસારી, વલસાડ અને દમણ, દાદરા નગર હવેલીની આગાહી કરવામાં આવી છે જ્યારે અન્ય જિલ્લાઓમાં શુષ્ક હવામાનની સંભાવના છે

5થી7 ઓકટોમબર સુધી આ જિલ્લાઓમાં વરસાદની આગાહી

હવામાન વિભાગની આગાહી મુજબ 5થી 7 ઓકટોમબર સુધી દક્ષિણ ગુજરાતના જિલ્લાઓમાં છૂટાછવાયા સ્થળોએ હળવાથી મધ્યમ ગાજવીજ સાથે વરસાદની સંભાવના છે. નર્મદા, ભરૂચ, સુરત, ડાંગ, તાપી, નવસારી, વલસાડ અને દમણ, દાદરા નગર હવેલી વરસાદની આગાહી કરવામાં આવી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ