ગાંધીનગરમાં CM રૂપાણીની અધ્યક્ષતામાં સમીક્ષા બેઠક થઇ હતી. ગુજરાતમાં વરસાદની વર્તમાન પરીસ્થિતીને લઇ સમીક્ષા બેઠક થઇ હતી. જેમાં મુખ્ય સચિવ જે. એન. સિંહ અને મહેસુલ વિભાગના અધિકારીઓ આ બેઠકમાં હાજર રહ્યાં હતાં.
Gujarat CM Shri @vijayrupanibjp visited State Emergency Operation Centre in Gandhinagar to review rainfall situation in Valsad, Navsari, Surat, Kheda and Anand and directed the district collectors through hotline to be on alert to deal with any eventuality pic.twitter.com/MnX1ZEvCKt
ઉલ્લેખનીય છે કે, મુખ્ય અધિક સચિવ પંકજ કુમાર, ફોરેસ્ટ અને હેલ્થ ડિપાર્ટમેન્ટના અધિકારીઓ પણ હાજર રહ્યાં હતાં. NDRF અને SDRFના ઉચ્ચ અધિકારીઓ પણ આ બેઠકમાં હાજર રહ્યાં હતાં. CM રૂપાણીએ જણાવ્યુ હતું કે 6 હજારથી વધુ લોકોનું સ્થળાંતરણ કરવામાં આવ્યું છે. તેમજ બે દિવસ વધુ વરસાદની આગાહી છે. તમામ જિલ્લામાં અધિકારીઓને એલર્ટ રહેવા સૂચના આપવામાં આવી છે.
CM રૂપાણીનું નિવેદન
મુખ્યમંત્રી રૂપાણીએ સમીક્ષા બેઠક બાદ નિવેદન આપ્યુ કે, વડોદરા અને ખંભાત ભારે વરસાદ પડ્યો હતો. એકસાથે વરસાદ પડતા અનેક વિસ્તારોમાં પાણી ભરાયા છે જેમાં 6 હજારથી વધુ લોકોનું સ્થળાંતરણ કરાયું આ સાથે જ તમામ લોકોને સલામત જગ્યાએ ખસેડાયા છે. તો વડોદરાની વિશ્વામિત્રી નદીનું લેવલ ઘટતું જાય છે અને વડોદરામાં સફાઇનું કામ મોટા પાયે થઇ રહ્યું છે. સોમવારથી શાળા-કોલેજ રાબેતા મુજબ થશે.
હવામાન વિભાગની આગાહી
ગુજરાતના હવામાનને લઇને મોટા સમાચાર સામે આવ્યા છે. હજુ 2 દિવસ વરસાદનું સંકટ યથાવત રહેશે. હવામાન વિભાગ દ્વારા આગામી 48 કલાક ભારેથી અતિભારે વરસાદની આગાહી કરવામાં આવી છે.
2 દિવસ મધ્ય ગુજરાતમાં ભારે વરસાદની આગાહી
ઉલ્લેખનીય છે કે, હવામાન વિભાગ દ્વારા કરવામાં આવેલ આગાહી મુજબ મધ્ય અને દક્ષિણ ગુજરાતમાં અતિભારે વરસાદ વરસી શકે છે. તો સૌરાષ્ટ્રમાં પણ ધોધમાર વરસાદ પડી શકે છે. જ્યારે આણંદ,પંચમહાલ,છોટા ઉદેપુર અને દાહોદમાં ભારે વરસાદ વરસશે. તો નવસારી, સુરત, ભરૂચ, તાપી અને વલસાડમાં પણ વરસાદનું જોર યથાવત રહેશે. આમ,હજુ 2 દિવસ વરસાદી સિસ્ટમ યથાવત રહેશે તેવી આગાહી હવામાન વિભાગે કરી છે.
સૌરાષ્ટ્રમાં ધોધમાર વરસાદની આગાહી
હવામાન ખાતાએ ભારે વરસાદની આગાહી કરતા જણાવ્યું હતું કે, મધ્ય ગુજરાતની સાથે સૌરાષ્ટ્રમાં પણ ધોધમાર વરસાદ પડવાની સંભાવના છે. જો કે, ગત સાંજે સુરેન્દ્રનગર જિલ્લાના લખતર તાલુકામાં ગણતરીના કલાકોમાં 2 ઇંચથી વધુ વરસાદ પડતા નીચાણવાળા વિસ્તારોમાં પાણી ભરાઇ ગયા હતા.
વડોદરા માટે 36 કલાક ભારે
વડોદરાવાસીઓની મુશ્કેલીમાં ફરી વધારો થયો છે. શહેરમાં ફરી એક વખત વરસાદની શરૂઆત થતા શહેરીજનોમાં ચિતા જોવા મળી રહી છે. શહેરના અનેક વિસ્તારોમાં હજી સુધી પાણી સુકાયા નથી. ત્યારે હવે ફરી વરસાદ વરસી રહ્યો છે. હવામાન વિભાગે વડોદરામાં ભારે વરસાદની આગાહી કરી છે. ત્યારે હવે વરસાદ થતા વડોદરાવાસીઓ ચિંતિત થયા છે.
વીજ પુરવઠા માટે હેલ્પલાઇન નંબર જાહેર કરાયો
વડોદરામાં વીજ પુરવઠા માટે હેલ્પલાઇન નંબર જાહેર કરવામાં આવ્યો છે. વીજળીની મુશ્કેલી માટે હેલ્પલાઇન નંબર1800 233 2670 જાહેર કરાયો છે. જ્યારે વ્હોટ્સએપ નંબર 99252 18002 જાહેર કરવામાં આવ્યો છે. જો કે 8200 ટ્રાન્સફોર્મર્સમાંથી માત્ર 117 ટ્રાન્સફોર્મર્સ જ બંધ હોવાનો દાવો MGVCL કરી રહ્યું છે. ત્યારે વીજ ફરિયાદોના નિરાકરણ માટે MGVCLની 92 ટીમો તૈનાત કરી દેવાઇ છે.