આકરા ઉનાળા વચ્ચે હવે હવામાન વિભાગે કમોસમી વરસાદની આગાહી આપી છે. આગામી 13 એપ્રિલ બાદ રાજ્યમાં કમોસમી વરસાદ પડી શકે છે. એટલે કે બે દિવસ ગરમીથી આંશિક રાહત મળી શકે છે. ત્યારે અમદાવાદમાં હજુ પણ પારો 40ને પાર છે. જો કે નોર્થ-સાઉથથી આવતાં પવનોમાં ભેજનું પ્રમાણ હોવાંથી ગરમીથી થોડી રાહત પણ મળશે.
ઉલ્લેખનીય છે કે રાજ્યભરમાં અંગ દઝાડતી ગરમી પડી રહી છે. ગરમીનો પ્રકોપ યથાવત છે અને હજુ પણ રાહત મળે તેવાં કોઇ સંકેત ન હોતાં. રાજ્યનાં મોટા ભાગનાં શહેરોમાં તાપમાન 40 ડિગ્રીને પાર પહોંચી ગયું છે. જેથી લોકોને કામ સિવાય ઘરની બહાર ન નીકળવા સલાહ અપાઇ છે. આ ઉપરાંત શરીરને ઠંડક આપે તેવાં પ્રવાહી પીણું પણ લેતા રહેવું જરૂરી છે.
ત્યારે ઉત્તર ગુજરાત, સૌરાષ્ટ્ર અને કચ્છમાં પણ હીટવેવની આગાહી કરાઇ હતી. સાબરકાંઠા, બનાસકાંઠા, સુરેન્દ્રનગર, રાજકોટ, અમરેલી, કચ્છ જિલ્લામાં હીટવેવની આગાહી કરાઇ હતી. ત્યારે એવામાં આટલી ગરમી વચ્ચે એકાએક જ્યારે વાતાવરણમાં પલ્ટો થશે તેવાં સમાચાર મળ્યે ત્યારે આટલી ધકધકતી ગરમી વચ્ચે પણ લોકોમાં એક પ્રકારનો હાશકારો અનુભવાય છે. એટલે કે હવામાન વિભાગ દ્વારા એક સારા સમાચાર આપવામાં આવ્યાં છે. જેમાં આટલી ગરમી વચ્ચે પણ કમોસમી વરસાદ થશે તેવી હવામાન વિભાગ દ્વારા આગાહી કરવામાં આવી છે. આગામી 13 એપ્રિલ બાદ રાજ્યમાં કમોસમી વરસાદ થવાની શક્યતા છે.
રાજધાની દિલ્હીમાં પડ્યો હતો વરસાદઃ
ઉલ્લેખનીય છે કે રવિવારની સાંજે અચાનક જ આવેલ વાવઝોડું અને વરસાદથી મોસમે પોતાનો મિજાજ બદલી દીધો હતો. દિલ્હીમાં એક બાજુ કાળઝાળ ગરમી અને સાંજે આશરે 30થી 40 કિમી. પ્રતિ કલાકની ઝડપથી આવેલ ધૂળ ભરેલ તોફાન બાદ કેટલાંય વિસ્તારોમાં કમોસમી વરસાદ થયો હતો.