હવામાન વિભાગ દ્વારા વરસાદને લઈને આગાહી કરવામાં આવી છે. હવામાનની આગાહી મુજબ રાજ્યમાં ફરી વરસાદી સિસ્ટમ સક્રિય થઈ છે. જેને લઈને રાજ્યના અનેક શહેરોમાં હળવાથી ભારે વરસાદ રહેશે.
રાજ્યમાં ફરી વરસાદની આગાહી
27 અને 28 સપ્ટેમ્બરે થઇ શકે વરસાદ
ઉલ્લેખનીય છે કે, સૌરાષ્ટ્ર અને દક્ષિણ ગુજરાતમાં સામાન્યથી ભારે વરસાદની આગાહી કરાઈ. તો અમદાવાદમાં પણ 3 દિવસ સુધી વરસાદી માહોલ રહેશે. હવામાન વિભાગની આગાહી મુજબ રાજ્યના કેટલાક શહેરોમાં 27 અને 28 સપ્ટેમ્બરે ભારે વરસાદ રહેશે
ઓક્ટોબરમાં પણ વરસાદી માહોલ
અંબાલાલ પટેલે VTV સાથે વાતચીત કરતા જણાવ્યું કે, વરસાદી સિસ્ટમ બનશે તો 5 ઓક્ટોબર સુધી વરસાદ રહેશે. તો આ સાથે જ ઓક્ટોબર સુધી રાજ્યમાં વરસાદી માહોલ યથાવત રહેવાની શક્યતા છે.
મધ્ય ગુજરાતના વરસાદ અંગે વાત કરતા હવામાન નિષ્ણાત અંબાલાલ પટેલે કહ્યું કે, અમદાવાદ, ગાંધીનગર, આણંદમાં પણ છૂટાછવાયો વરસાદ થવાના એંધાણ છે. તો આ સાથે જ રાજ્યના હવામાન ખાતાએ પણ ઠેર-ઠેર વરસાદ થવાની આગાહી કરેલ છે.
કોસ્ટલ એરિયા પર લો પ્રેશર સિસ્ટમ સક્રિય
ઉત્તર પૂર્વી અરબી સમુદ્ર અને દક્ષિણ ગુજરાતના કોસ્ટલ એરિયા પર લો પ્રેશર સિસ્ટમ સક્રિય થતા આગામી બે દિવસ રાજ્યમાં ચોમાસું સક્રિય રહેશે. વરસાદ આ વરસે લંબાયો છે હજુ ઓકટોબરમાં પણ ચોમાસું સક્રિય રહેશે. નવરાતરમાં પણ ભારેથી અતિભારે વરસાદની આગાહી છે.
નસવાડીમાં મેઘમહેર
છોટાઉદેપુરના નસવાડી અને બોડેલીમાં વરસાદ થયો છે. ત્યારે નસવાડીમાં ધોધમાર વરસાદથી સર્વત્ર પાણી - પાણી થઇ ગયું છે. બોડેલી સહિતના વિસ્તારોમાં છુટો છવાયો વરસાદ થયો છે.
સાબરકાંઠામાં વરસાદની જમાવટ
રાજ્યમાં વરસાદી માહેલની વચ્ચે સાબરકાંઠામાં મેઘરાજાની ધમાકેદાર એન્ટ્રી થઈ. સમગ્ર ઈડર પંથકમાં ભારે પવન સાથે વરસાદ વરસ્યો. ભારે વરસાદને પગલે નીચાણવાળા વિસ્તારમાં પાણી ભરાયા.
સુરતમાં મેઘો વરસ્યો
ગુજરાત , સૌરાષ્ટ્રમાં વરસાદની આગાહિના પગલે સુરતમાં વરસાદ થયો છે. સુરતમાં વરસાદનું આગમન થયું છે. વીજળીના ચમકારા સાથે ધોધમાર વરસાદ થયો છે. શહેરના અનેક વિસ્તારમાં વરસાદ થયો છે. આઠવા લાઇન, ચોપાટી, વરાછા રોડ, સ્ટેશન રોડ પર વરસાદ થયો છે. બફારાથી લોકોને રાહત મળી છે.