આગામી 3 દિવસ રાજ્યમાં વરસાદની શક્યતા નહિવત, વરસાદી સિસ્ટમ સક્રિય ન થતા વરસાદની શક્યતા નહિવત, હવામાન વિભાગ મુજબ ભારે વરસાદ માટે રાજ્યમાં રાહ જોવી પડશે
રાજ્યમાં વરસાદને લઇ હવામાન વિભાગની આગાહી
આગામી 3 દિવસ રાજ્યમાં વરસાદ શક્યતા નહિવત
વરસાદી સિસ્ટમ સક્રિય ન થતા વરસાદની શક્યતા નહિવત
રાજ્યમાં વરસાદને લઇ હવામાન વિભાગે આગાહી કરી છે. આગામી 3 દિવસ રાજ્યમાં વરસાદની શક્યતા નહિવત છે. વરસાદી સિસ્ટમ સક્રિય ન થતા વરસાદની શક્યતા નહિવત છે. હવામાન વિભાગ મુજબ ભારે વરસાદ માટે રાજ્યમાં રાહ જોવી પડશે. કેટલાક વિસ્તારોમાં માત્ર સામાન્ય વરસાદી ઝાપટાની આગાહી કરાઇ છે. ત્યારે અમદાવાદ, ગાંધીનગરમાં વરસાદી ઝાપટા પડી શકે છે. તો વડોદરા સહિત અનેક વિસ્તારમાં વરસાદી ઝાપટા પડે તેવી શક્યતા છે.
ભાવનગર જિલ્લાના મહુવા શહેર અને તાલુકા પંથકમાં વરસાદ વરસ્યો હતો. જ્યાં મહુવા શહેરમાં અવિરત મેઘની સવારી જોવા મળી હતી. મહુવાના ગ્રામ્ય વિસ્તારોમાં પણ સારો વરસાદ નોંધાયો હતો. ગ્રામ્યપંથકમાં નેસવડ, તાવેડા, જાદરા, ભાદરા, દુધાળા, શારદિકા અને કુંભણ ગામે વરસાદ વરસ્યો હતો.
તો સુરતના ગ્રામ્ય વિસ્તારોમાં વરસ્યો વરસાદ હતો. ત્રણ દિવસના વિરામ બાદ મેઘ રાજાની એન્ટ્રી થઈ હતી. જ્યાં ઉમરપાડા, વાડી, ઝંખવાવ, ઉમરઝર, ચિતલદા, નસારપુર સહિતના ગામોમાં વરસાદ વરસ્યો હતો.
સૌરાષ્ટ્રના જૂનાગઢ પંથકમાં ધીમીધારે વરસાદ વરસ્યો હતો. જેને લઈ પંથકના ખેડૂતોમાં ખૂશી જોવા મળી હતી. જૂનાગઢ જિલ્લાના માણવદર,વંથલી ગ્રામ્ય વિસ્તારમાં વરસાદ વરસ્યો હતો.