લાંબા સમય બાદ ઇડર અને મોડાસામાં વરસાદનું આગમન 24 કલાકની આગાહી

સાબરકાંઠા: ઇડરમાં લાંબા સમય બાદ વરસાદનું ફરીથી આગમન થયું છે. ફરીથી વરસાદનું આગમન થતા લોકોને ગરમીથી રાહત મળી છે. જ્યારે ખેતરમાં વાવેતર કર્યાં બાદ વરસાદની કાગડોળે રાહ જોઈ રહેલા ખેડૂતોમાં પણ ખૂશીનો માહોલ જોવા મળી રહ્યો છે. આ તરફ અરવલ્લી જિલ્લાના મોડાસામાં ધીમીધારે વરસાદ શરૂ થયો છે. ધીમીધારે વરસાદ શરૂ થતાં લોકોમાં ખુશીનો માહોલ છવાયો છે.

આગામી 24 કલાકમાં ભારે વરસાદની આગાહી 
રાજ્યના અનેક જિલ્લામાં વરસાદનું આગમન થયું છે ત્યારે આગામી 24 કલાકમાં ભારે વરસાદની આગાહી કરાઈ છે. હવામાન વિભાગના જણાવ્યા પ્રમાણે આગામી 24 કલાકમાં દક્ષિણ ગુજરાત અને સૌરાષ્ટ્રમાં ભારે પડવાની સંભાવના છે. દક્ષિણમાં ખાસ કરીને ડાંગ તાપી અને નવસારીમાં ભારે વરસાદ પડી શકે છે.

આ તરફ સુરેન્દ્રનગરમાં પણ ભારે વરસાદ પડે તેવી શક્યતા છે. વરસાદના આગમનના કારણે ખેડૂતોમાં ખુશીનો માહોલ જોવા મળી રહ્યો છે. કારણ કે વરસાદના લાંબા વિરામના કારણે પાક સુકાઈ રહ્યો હતો. પરંતુ વરસાદના આગમનથી ફરી લીલોતરી છવાઈ ગઈ છે.