ભાવનગરઃ રાજ્યમાં ધીમી ગતિએ વરસાદનું આગમન થઈ રહ્યું છે. ત્યારે ભાવનગરમાં ઝરમર વરસાદ વરસ્યો હતો. જીલ્લાના શિહોર પંથકમાં વરસાદે મ્હેર કરી હતી. વરસાદના આગમનથી સમગ્ર પંથકમા લોકોને ગરમીથી રાહતનો અહેસાસ થયો હતો.
જૂનાગઢમાં વાતાવરણમાં પલટો
જૂનાગઢમાં વહેલી સવારે એકાએક વાતાવરમાં પલ્ટો જોવા મળ્યો છે. વહેલી સવારથી વાદળછાયુ વાતાવણ છવાયુ છે. વાતાવરણમાં પલ્ટો આવતા ખેડૂતોમાં ખુશીનો માહોલ જોવા મળ્યો છે. વાતાવરણમાં પલ્ટો આવતા ઠંડક પ્રસરી છે.
વડોદરાઃ પાદરા શહેરમાં મેઘરાજાની મહેર
વડોદરા શહેરમાં મેઘરાજાની એન્ટ્રી થઈ હતી. શહેરના પાદરા વિસ્તારમાં ધોધમાર વરસાદ પડ્યો છે. વહેલી સવારથી વાતાવરણમાં પલ્ટો આવતા સમગ્ર વિસ્તારમાં ઠંડક પ્રસરી હતી. વરસાદ આવતાની સાથે જ વિજ વિભાગની પોલ ખુલી છે. વરસાદ પડતા જ વીજ પુરવઠો કલાકો સુધી ખોરવાયો હતો.