સુરતમાં ધીમી ધારે વરસાદ ચેક ડેમ તૂટ્યો... પાણી કિમ નદીમાં પ્રવેશ્યું

સુરતઃ શહેરમાં સવારથી વરસાદ વરસી રહ્યો છે. વહેલી સવારથી શહેરમાં ઝરમર વરસાદ વરસી રહ્યો છે. સવારથી સતત વરસતા વરસાદના કારણે ખેતરો સહિત નીચાણવાળા વિસ્તારમાં વરસાદી પાણી ભરાયા હતા. તો બીજી બાજુ નદીઓમાં નવા નીરની આવક થઈ હતી. 

સાથો સાથે સુરતના શાહ ગામ નજીક ભૂખી ખાડીના ચેક ડેમમાં ભંગાણ થવા પામ્યું હતું. છેલ્લા 24 કલાકથી સતત વરસાદથી ચેક ડેમમાં ભંગાણ થયું હતું. ડેમમાં ભંગાણ સર્જાતા ચેકડેમનું સંગ્રહિત પાણી કીમ નદીમાં ભળ્યું હતું.


જો કે શહેરમાં વરસાદથી સુરતીએઓ મજા માણી હતી. શહેરના કેટલાક રોડ રસ્તાઓ પાણીમાં ગરકાવ થયા હતા. અનેક રોડ પણ બંધ કરવામાં આવ્યા હતા. વહેલી સવારથી વરસેલા ધોધમાર વરસાદથી હાઇવે પણ પાણી ફરી વળ્યા હતા.