આગાહી / ગુજરાતમાં ફરી વરસાદની વકીઃ જાણો ક્યારે અને ક્યાં વિસ્તારોને ઘમરોળશે

• ગુજરાતમાં હવે ચોમાસુ અંતિમ તબક્કામાં
• આજે સૌરાષ્ટ્ર અને કચ્છમાં વરસાદની શકયતા
• બંગાળની ખાડીમાં ભેજયુક્ત હવા ગુજરાત તરફ

રાજ્યમાં એક તરફ ચોમાસુ અંતિમ તબક્કામાંથી પસાર થઇ રહ્યું છે. રાજ્યમાં હાલ બેવડી ઋતુનો અહેસાસ થઇ રહી હોવાનું જોવા મળી રહ્યું છે. જો કે રાજ્યમાં આગામી ત્રણ દિવસ કેટલીક જગ્યાઓ પર હળવા વરસાદની આગાહી કરવામાં આવી છે. 
 

આજે સૌરાષ્ટ્ર અને કચ્છમાં વરસાદની શક્યતા દર્શાવામાં આવી છે. જ્યારે ઉત્તર ગુજરાતમાં પણ હળવા વરસાદ પડે તેવી સંભાવના વ્યક્ત કરવામાં આવી છે. રાજ્યમાં અત્યાર સુધીમાં 126 ટકા વરસાદ થઇ ચૂક્યો છે. 
 

આ સાથે રાજ્યના સૌરાષ્ટ્ર, કચ્છ અને દક્ષિણ ગુજરાતમાં આગામી 3 દિવસ સુધી છૂટાછવાયા વરસાદની આગાહી કરવામાં આવી છે. જ્યારે અન્ય વિસ્તારમાં વરસાદ નહીંવત જોવા મળશે.