હવામાન વિભાગ / ગુજરાતમાં ભારે વરસાદની આગાહી વચ્ચે છેલ્લા 24 કલાકમાં 139 તાલુકામાં વરસાદ

• છેલ્લા 24 કલાકમાં રાજ્યના 139 તાલુકામાં વરસાદ
• સૌથી વધુ ભુજમાં 2.5 ઈંચ વરસાદ નોંધાયો
• કડીમાં પોણા 2 ઈંચ, સાયલામાં પોણા 2 ઈંચ

રાજ્યમાં આગામી 5 દિવસ વરસાદી માહોલ જોવા મળશે. જેમાં દક્ષિણ ગુજરાત અને સૌરાષ્ટ્રમાં ભારે વરસાદની શક્યતા વચ્ચે રાજ્યમાં છેલ્લા 24 કલાકમાં 139 તાલુકામાં મેઘમહેર જોવા મળી છે. જેમાં સૌથી વધુ ભુજમાં 2.5 ઇંચ વરસાદ ખાબક્યો છે. 

 

રાજ્યમાં અવિરત વરસાદી માહોલ જોવા મળી રહ્યો છે. રાજ્યના કડી અને સાયલામાં પોણા 2 ઈંચ, જાફરાબાદ-ઉના-રાજકોટ-સુરત-ધ્રોલ-જામજોધપુરમાં 1.5 ઇંચ વરસાદ નોંધાયો છે. 

જ્યારે કામરેજ-ભાણવડ-વેરાવળ-જોટાણામાં 1 ઇંચ વરસાદ નોંધાયો છે. આ સાથે ટંકારા-વિંછીયા-પાદરા-ખંભાળિયા-થાનગઢ-હાંસોટ-માણસા-સુત્રાપાડા-તલાલા-માંડવી-રાજુલા-કોડીનાર-વાંકાનેર-પડધરીમાં પોણો ઇંચ નોંધાયો છે. 
 

રાજ્યમાં આવતીકાલથી ભારે વરસાદની આગાહી

રાજ્યમાં વરસાદી માહોલ જામ્યો છે. ત્યારે રાજ્યમાં આવતીકાલથી ભારે વરસાદની આગાહી કરવામાં આવી છે. આગામી 5 દિવસ રાજ્યમાં વરસાદી માહોલ રહેશે. દક્ષિણ ગુજરાત અને સૌરાષ્ટ્રમાં ભારે વરસાદની શક્યતા છે.

મહેસાણા, પાટણમાં આજે ભારે વરસાદની આગાહી કરવામાં આવી છે. વિરમગામ, પાલનપુરમાં પણ ભારે વરસાદ થઇ શકે છે. જ્યારે અમદાવાદ, ગાંધીનગર, વડોદરામાં મધ્યમ વરસાદની આગાહી કરવામાં આવી છે. માછીમારોને દરિયો ન ખેડવાની હવામાન વિભાગે સૂચના આપી છે. રાજ્યમાં સીઝનનો અત્યાર સુધી 29 ટકા વરસાદ નોંધાયો છે.