વાયુ વાવાઝોડાનાં કારણે સૌરાષ્ટ્રમાં સારો એવો વરસાદ પડી ગયો છે. ત્યારે હવે ધીરે-ધીરે ચોમાસું પણ જામતું જાય છે. તો આજે રાજ્યનાં 81 તાલુકામાં સારો એવો વરસાદ વરસ્યો છે. જેમાં સૌથી વધુ ઉનામાં સવા 2 ઈંચ જેટલો વરસાદ થયો છે. તો આ તરફ સૂત્રાપાડા અને ગીર-ગઢડામાં પણ 2-2 ઈંચ વરસાદ નોંધાયો છે. ઉપરાંત સમગ્ર રાજ્યમાં વાત કરીએ તો દક્ષિણ વિસ્તારોમાં તેમજ મધ્ય ગુજરાતમાં પણ સારો એવો વરસાદ વરસ્યો છે. ત્યારે સાથે સાથે તંત્રની ઘોર બેદરકારી પણ સામે આવી છે.
વાત કરીએ મધ્ય ગુજરાતનાં શહેર અમદાવાદ (Ahmedabad) ની કે શહેરમાં પણ સારો એવો વરસાદ વરસ્યો છે. શહેરનાં અનેક એવાં વિસ્તારો જેવો કે પૂર્વ વિસ્તાર અને પશ્ચિમ વિસ્તારનાં કેટલાંક વિસ્તારોમાં પણ વરસાદ (Rain) ને કારણે પાણી ભરાઇ ગયા છે. ત્યારે હવે આ વરસાદને લઇને શહેરનાં કેટલાંક વિસ્તારોમાં પાણી ભરાતા તંત્રની પણ સાથે સાથે પોલ ખુલી ગઇ છે.
આજે પ્રથમ વરસાદ પડતા જ તંત્રની કામગીરીની પોલ ખુલી ગઇ છે.
અમદાવાદનાં શાસ્ત્રીનગરનાં રન્નાપાર્ક નજીક સ્કૂલ બસ ખાડામાં ખાબકી હોવાંની એક ઘટના પ્રકાશમાં આવી છે. વરસાદનાં કારણે ખાડો પડી જતા બસ ખાડામાં ખાબકી. ત્યારે આ ઘટનાની જાણ થતાં જ સ્થાનિકો તુરંત ઘટના સ્થળે દોડી આવતા બસમાં બેસેલા તમામ બાળકોને સહી સલામત રીતે બહાર કાઢી લેવાયાં. પરંતુ તંત્રની આવી ગંભીર બેદરકારી એ સાબિત કરે છે કે આખરે પ્રિ-મોન્સુનની કામગીરી પર સવાલ ઉઠ્યાં છે.
સામાન્ય વરસાદ આવતા શહેરનાં અનેક વિસ્તારોમાં પાણી ભરાયા છે. રસ્તા પર પાણી ભરાતા ટ્રાફિક જામનાં પણ દ્રશ્યો સર્જાયા છે. શહેરનાં નહેરુનગર, આંબાવાડી વિસ્તારમાં પાણી ભરાતા કરોડ રૂપિયાનાં ખર્ચા પર સવાલ ઉઠ્યાં છે. તો બીજી તરફ ટોરેન્ટ દ્વારા ખોદકામ કરવામાં આવતા ઘાટલોડિયા સુપર સ્કૂલ પાસે ભયજનક ખાડો પડ્યો. ખાડા પડતા AMC અને ટોરેન્ટ પાવરની બેદરકારી પણ આવી સામે હતી. ઉપરાંત શહેરનાં વસ્ત્રાપુર અને થલતેજ વિસ્તારમાં પવન સાથે વરસાદ થતાં વૃક્ષ ધરાશાયી થયા હતાં. જીવનદીપ સર્કલ પાસે વૃક્ષ ધરાશાયી થતાં 2 કાર પણ વૃક્ષ નીચે દટાઈ હતી. બાદમાં ફાયર બ્રિગેડે વૃક્ષને ખસેડવાની કામગીરી હાથ ધરી. જેને લઇને એક બાજુનો રોડ પણ બંધ કરી દેવામાં આવ્યો.
ચોમાસાની શરૂઆતની સાથે જ અમદાવાદમાં વરસાદની સાથે સાથે તંત્રની બેદરકારી પણ સામે આવી છે. ટોરન્ટ પાવર દ્વારા ખોદકામ બાદ ખાડાનું યોગ્ય પૂરાણ નથી કરવામાં આવ્યું. જેને લઇ AMC અને ટોરન્ટ પાવરની બેદરકારી સામે આવી છે. ત્યારે ઘાટલોડિયામાં આવેલ સુપર સ્કૂલ પાસે પણ એક ખાડો પડ્યો છે જેને લઇને સ્કૂલનાં બાળકોને પણ પણ જોખમ છે. અમદાવાદનાં નહેરુનગર વિસ્તારમાં સામાન્ય વરસાદમાં જ પાણી ભરાઇ ગયા છે. ત્યારે ફરી એક વાર તંત્રની પ્રિ-મોન્સૂનની કામગીરી પર સવાલ ઉઠ્યાં છે. તંત્ર દ્વારા પ્રિ-મોન્સૂનની કામગીરીનાં નામે કરોડો રૂપિયા ખર્ચી દેવામાં આવે છે અને સામાન્ય વરસાદમાં જ તેની પોલ ખુલી જાય છે.
અમદાવાદનાં વસ્ત્રાપુર અને થલતેજ વિસ્તારમાં પવન સાથે વરસાદ થતાં કેટલાંક વૃક્ષ ધરાશાયી થયા હતાં. જીવનદીપ સર્કલ પાસે વૃક્ષ ધરાશાયી થતાં 2 કાર વૃક્ષ નીચે દટાઈ હતી. તો ફાયર બ્રિગેડે વૃક્ષને ખસેડવાની કામગીરી હાથ ધરી અને એક બાજુનો રોડ બંધ કરી દેવામાં આવ્યો. તો આ તરફ શહેરની લાડ સોસાયટી પાસે પણ પાણી ભરાઈ ગયા હતાં. જેનાં કારણે વાહનચાલકોને ભારે હાલાંકીનો સામનો કરવાનો વારો આવ્યો.
અમદાવાદમાં વરસાદની શરૂઆત થઈ ગઇ છે. અહીં વરસાદ પહેલા તંત્ર દ્વારા પ્રિ-મોન્સૂનની કામગીરી કરવામાં આવી હતી. પરંતુ વરસાદ આવતા જ તંત્રની કામગીરીની પોલ ખુલી છે. આજે સામાન્ય વરસાદ આવતા જ શહેરનાં અનેક વિસ્તારોમાં પાણી ભરાયા. રસ્તા પર પાણી ભરાતા ટ્રાફિક જામનાં દ્રશ્યો પણ સર્જાયા. તો આ તરફ અમદાવાદનાં શિલજ વિસ્તારમાં પણ પાણી ભરાયા છે. પ્રથમ વરસાદે જ તંત્રની પોલ ખોલી છે. નીચાણવાળા વિસ્તારમાં પાણી ભરાતા સ્થાનિકો પરેશાન થયા છે.
તમને જણાવી દઇએ કે વાયુ વાવાઝોડાની અસર બાદ સૌરાષ્ટ્રનાં કેટલાંક વિસ્તારોમાં વરસાદી માહોલ જામ્યો. અમદાવાદનાં પૂર્વ અને પશ્ચિમ વિસ્તારની જો વાત કરીએ તો નિકોલ, નરોડા, કૃષ્ણનગર, ખોખરા અને હાટકેશ્વર અને સેટેલાઇટ, વસ્ત્રાપુર, થલતેજ જેવાં વિસ્તારોમાં પવન સાથે સારો એવો વરસાદ વરસ્યો હતો. શહેરમાં ક્યાંક ધોધમાર તો ક્યાંક ધીમી ધારે વરસાદ થયો હતો.
અમદાવાદનાં એરપોર્ટ અને નરોડા વિસ્તારમાં વરસાદ શરૂ થતાં વાહનચાલકો માર્ગો પર અટવાયા હતા અને ટ્રાફિક જામની સમસ્યા સર્જાઈ હતી. તો આ તરફ બોડકદેવમાં પવન સાથે ધોધમાર વરસાદ વરસ્યો હતો. ઉપરાંત આંબાવાડી વિસ્તારમાં થોડાં જ વરસાદમાં માર્ગો પર પાણી ભરાઈ ગયા હતા. જેને લઇને તંત્રની પોલ ખુલી ગઇ હતી. ભારે પવન સાથે વરસાદ આવતા નીચાણ વાળા વિસ્તારોમાં પાણી ભરાયા છે.