અમદાવાદ / શહેરમાં ધીમીધારે વરસાદનું આગમન, ગરમીથી અકળાતી પ્રજાને રાહત 

અમદાવાદ શહેરના જમાલપુર, વેજલપુર, બોડકદેવ, મેમનગર, થલતેજ સહિતના મોટાભાગના વિસ્તારમાં ધીમી ધારે વરસાદનું આગમન થયુ છે. તો વરસાદનુ આગમન થતા લોકોને ગરમીથી રાહત મળી છે. જ્યારે શહેરીજનો અહલાદક વાતાવરણની મજા માણી રહ્યા છે. 

તો રાજ્યના અનેક વિસ્તારોમાં વરસાદ પડ્યો છે. ત્યારે આજે પણ જૂનાગઢ, પોરબંદર અને ભાવનગરમાં વરસાદ પડ્યો છે. જૂનાગઢ જિલ્લામાં વહેલી સવારથી અત્યાર સુધીમાં 5 ઈંચ જેટલો વરસાદ પડ્યો છે. તો બીજી તરફ પોરબંદરમાં ધીમીધારે વરસાદ પડી રહ્યો છે. આ ઉપરાંત ભાવનગરમાં ધોધમાર વરસાદ પડ્યો છે. તો આજે અમદાવાદમાં પણ ધીમીધારે વરસાદ વરસ્યો છે.