ચોમાસુ / અમદાવાદ મેઘો જામ્યો: વહેલી સવારથી ધીમીધારે વરસાદ શરૂ

આજે વહેલી સવારથી શહેરના પૂર્વ વિસ્તારોમાં વરસાદ શરૂ થઈ ગયો છે. શાહીબાગ, અસારવા, નરોડા અને મેઘાણીનગર વિસ્તારમાં ધીમીધારે વરસાદ વરસી રહ્યો છે. તો આ તરફ પશ્ચિમ અમદાવાદમાં પણ કેટલાક વિસ્તારોમાં વરસાદી માહોલ છવાયો છે.

તો હવામાન વિભાગે આજે પણ રાજ્યમાં વરસાદની આગાહી કરી છે. રાજ્યના અનેક વિસ્તારમાં ચોમાસાનું આગમન પણ થઈ ચૂક્યું છે. ત્યારે હવામાન વિભાગે આગાહી કરી છે કે, ભાવનગર, અમરેલી, ગીર સોમનાથ, રાજકોટમાં વરસાદ પડી શકે છે. 

હવામાન વિભાગે એવી પણ આગાહી કરી છે કે સામાન્યથી મધ્યમ વરસાદ પડી શકે છે. ઉલ્લેખનીય છે કે, બે દિવસથી રાજ્યના અનેક વિસ્તારોમાં વરસાદ શરૂ થયો છે. અનેક વિસ્તારમાં વરસાદ પડતા લોકો પણ ગરમીથી રાહત અનુભવી રહ્યા છે.