રેલવે તેની પોતાની સમસ્યાઓ જેવી કે, ગુટખાના નિશાન, હાથીઓ સાથે અકસ્માતો જેવી પરિસ્થિતઓ સાથે પણ સંઘર્ષ કરી રહી છે, પરંતુ હવે તે આ મુશ્કેલીઓ દૂર કરવા માટે ખાસ યોજના સાથે તૈયાર છે.
રેલવેને ગુટખાના ડાઘ દૂર કરવા માટે લાખોનો ખર્ચ કરે છે
હાથીઓને ડરાવવા મધમાખીઓનો ઉપયોગ
રેલવે ટ્રેક પર હાથથી સફાઈ કરવાની પ્રક્રિયા બંધ કરાઈ
ગુટખાના ડાઘ દૂર કરવા માટે આટલો ખર્ચ કરવો
એક અંદાજ મુજબ ભારતીય રેલવે દર વર્ષે ગુટખાના નિશાન દુર કરવા 1200 કરોડ રૂપિયા અને ઘણું પાણી ખર્ચે છે. તેમાં ખાસ કરીને ગુટખા અને પાનનું સેવન કર્યા બાદ થૂંકનારા લોકોના નિશાનનો સમાવેશ થાય છે. કોવિડ -19 પછી લાદવામાં આવેલા પ્રતિબંધો પછી પણ થૂંકના નિશાન એક મોટી સમસ્યા છે. આવી સ્થિતિમાં, બાયોડિગ્રેડેબલ થૂકદાન જે ખિસ્સામાં રાખી શકાય છે, જેનો પાછળથી ઉપયોગ પણ કરી શકાય છે. આમાં બીજનો સમાવેશ થાય છે, તેથી જ્યારે તેનો નિકાલ કરવામાં આવે છે, ત્યારે તેમાં વૃક્ષો ઉગાડવામાં સક્ષમ હશે. લોકોને થૂંકતા અટકાવવા માટે, 42 સ્ટેશન પર વેન્ડિંગ મશીનો અને કિઓસ્ક લગાવવામાં આવી રહ્યા છે, જ્યાં આ થૂકદાન 5 થી 10 રૂપિયામાં ઉપલબ્ધ થશે.
હાથીઓને ડરાવવા મધમાખીઓનો ઉપયોગ
રેલવે મંત્રી પિયુષ ગોયલે તાજેતરમાં જણાવ્યું હતું કે,'એક સવારે વડાપ્રધાને મને એક અનોખું સૂચન આપ્યું. તેઓએ સાંભળ્યું હતું કે હાથીઓ મધમાખીઓથી ડરે છે અને તેમના અવાજથી ભાગી જાય છે. તેણે મને જોવાનું કહ્યું કે શું તેનો ઉપયોગ પાટા પર હાથીઓ સાથે અકસ્માતો ઘટાડવા માટે થઈ શકે છે. હાથીઓને પાટા પરથી દૂર કરવા માટે મધમાખીઓના અવાજનો ઉપયોગ કરીને 'પ્લાન બી' પહેલ કરવામાં આવી હતી. આ યોજના દ્વારા, મે 2017 થી મે 2021 સુધી, હાથીઓ સાથેના અકસ્માતોમાં નોંધપાત્ર ઘટાડો થયો છે. 950 થી વધુ હાથીઓના જીવ બચાવવામાં આવ્યા છે. ’નવેમ્બર 2017 માં, ભારતીય રેલવેએ હાથીઓને ટ્રેનની ટક્કરથી બચાવવા માટે ઉત્તર -પૂર્વ સીમા રેલવે (NFR) માં આની શરૂઆત કરી હતી.
રેલવે ટ્રેક પર હાથથી સફાઈ કરવાની પ્રક્રિયા બંધ કરાઈ
વિજ્ઞાન અને ટેક્નોલોજી મંત્રાલયે 5 એપ્રિલ 2021ના રોજ કહ્યું હતું કે, રેલવે ટ્રેકની સફાઈ કરવા માટે સ્વસંચાલિત વાહન તૈયાર છે. નેશનલ ઈન્સ્ટિટ્યુટ ઓફ ટેકનિકલ ટીચર્સ ટ્રેનિંગ એન્ડ રિસર્ચ (NITTTR), ભોપાલના ડો. શરદ કે. પ્રધાન દ્વારા જારી કરાયેલા નિવેદન અનુસાર, મલ્ટીફંક્શનલ રેલવે ટ્રેક સફાઈ વાહન તૈયાર કરવામાં આવ્યું છે. જેનાથી વાહનમાં ડ્રાય અને વેટ સક્શન સિસ્ટમ, એર એન્ડ વોટર સ્પ્રિંકલર નોઝલ, કંટ્રોલ સિસ્ટમ અન્ય સુવિધાઓ હશે. આમાં, ડ્રાઇવર સિવાય, સફાઈ માટે માત્ર એક વ્યક્તિની જરૂર પડશે.