વિદ્યાર્થીને પરીક્ષા કેન્દ્ર પર પહોંચાડવા માટે ભારતીય રેલવેએ ટ્રેનને ફુલ સ્પીડમાં દોડાવીને વિદ્યાર્થીને સમયસર પહોંચાડી.
લેટ લતીફ રેલવેએ એક નવો દાખલો પૂરો પાડ્યો
પરીક્ષાનાં છુટે તે માટે રેલગાડી ફુલ સ્પીડમાં દોડાવી
વિદ્યાર્થીએ ટ્વીટ કીરને પરીક્ષા છુટી જવાની ફરિયાદ કરી હતી
રેલવે પ્રશાસન એક્ટિવ બન્યુ
ભારતીય રેલવેના લેટ લતીફ હોવાના કિસ્સાઓતો ઘણી વખત સાંભળ્યા છે પણ આ વખતે તેનાંથી વિપરિત કહાણી જાણવા મળી છે. ભારતીય રેલવેએ બુધવારે એવો દાખલો બેસાડ્યો છે કે જેને સાંભળ્યા બાદ તમને આશ્ચર્યમાં આવી જશો. બુધવારે ભારતીય રેલવેને ટ્વીટર પર ટ્રેન મોડી પડવાને લીધે એક વિદ્યાર્થીની પરીક્ષા છુટી ગઈ હોવાની ફરિયાદ મળી હતી. જેને જોતા રેલવેનાં અધિકારીઓેએ વિદ્યાર્થીઓની પરીક્ષા ના છુટે તે માટે ટ્રેનની સ્પીડ વધારી દીધી અને પછી સમયસર તેને પરીક્ષાકેન્દ્ર પહોંચાડીને પોતાની ભૂલ સુધારી લીધી હતી. અઢી કલાક મોડી હોવા છતા સમયસર
એક માહિતી અનુસાર યુપીનાં મઉ જિલ્લામાં રહેલી નાઝીયા તબસ્સુમને બુધવારે ડીએલએડ બેન્કનું પેપર હતું. પરીક્ષા કેન્દ્ર વારાણસીથી વલ્લભ વિદ્યાપીઠ બાલિકા ઇન્ટર કોલેજ હતું. નાઝિયાએ પરીક્ષા આપવા માટે વારાણસી સિટી એક્સ્પ્રેસમાં ટીકિટ બૂક કરાવી હતી. પણ બુધવારે ટ્રેન અઢી કલાકથી વધારે સમય મોડી હતી. ટ્રેન મોડી હોવાને કારણે નાઝિયાને પરીક્ષા છુટી જવાની ભીતી હતી તો નાઝિયાનાં ભાઈ અનવરે ટ્વીટર પર રેલવે અધિકારીઓને તેની જાણકારી આપી. વિદ્યાર્થીને સમયસર પહોંચાડી પરીક્ષામાં
નાઝિયાનાં ભાઈની ટ્વીટ બાદ રેલવે પ્રશાસન એક્ટિવ બન્યુ. સૌપ્રથમ રેલવેએ અનવર પાસેથી તેનો ફોન નંબર માંગ્યો અને ફોન કરીને રેલવે અધિકારીઓએ પરીક્ષા સંબંધી જાણકારી મેળવી. પૂરી માહિતી મેળવ્યા બાદ રેલવેએ તેમને પરીક્ષા નહીં છુટે તેવા આશ્વાસન આપ્યા. ત્યારબાદ રેલવેએ તે ટ્રેનની સ્પીડ વધારી દીધી. જેનાં લીધે નાઝિયા સમયસર વારાણસી પહોંચી ગઈ. ત્યારબાદ નાઝિયાનાં ભાઈએ રેલવેને ફોન કરીને ધન્યાવાદ આપ્યા.