ચોંકાવનારૂ / શું તમે પણ રેલવેમાં મુસાફરી કરો છો? તો થઈ જાવ સાવધાન, ટોયલેટમાં ક્યાંક કેમેરા તો નથીને!

• રેલવે પોલીસે વિકૃત આરોપીની ધરપકડ કરી
• ટોયલેટમાં સ્પાય કેમેરાથી રેકોર્ડ કરતો હતો
• રેલવે પોલીસે આરોપીની ધરપકડ કરી

મુંબઇ થી ઉપડતી બાંદ્રા ભગત કોઠી ટ્રેન માં ગત 16 માર્ચ ના રોજ ટોયલેટમાંથી એક સ્પાય કેમેરા મળી આવ્યો હતો. જે કેમેરો રેલવેના કર્મચારીએ જ મુક્યો હોવાથી તેની ધરપકડ કરવામાં આવી છે.

પાવર બેન્કની સાથે સ્પાય કેમ સેટ કર્યો હતો

રેલ્વે મા મુસાફરી મહિલાઓ માટે હવે સુરક્ષીત નથી રહી. કિમતી માલસામાનની ચોરીની ઘટનાઓ તો સામાન્ય બની છે. પરંતુ રેલ્વેના ટોયલેટમાથી એક સ્પાય કેમેરો મળી આવ્યો છે. જે અંગે રેલ્વે પોલીસે ગુનો નોંધી આરોપીની ધરપકડ કરી છે. આરોપી જહીરુદ્દીન સરવર હુશેન શેખની ધરપકડ કરવામાં આવી છે. આરોપી કોમ્યુટરનો જાણકાર હોવાનું સામે આવ્યું છે.  આરોપીએ સાયન્સનો અભ્યાસ કર્યો છે. અને તેણે પાવર બેન્કની સાથે સ્પાય કેમ સેટ કર્યો હતો. જે મળી આવતા પોલીસે તેની ધરપકડ કરી છે. 

આરોપીની પુછપરછ કરતા સામે આવ્યુ કે કે મૂળ યુપીનો રહેવાસી 

આરોપીની પુછપરછ કરતા સામે આવ્યુ કે કે મૂળ યુપીનો રહેવાસી છે. અને છેલ્લા 15 વર્ષ થી મુંબઈમાં રહે છે. આરોપી ટ્રેનમાં હાઉસ કિપિંગ સુપરવાઈઝર છે. સ્પાય કેમના વાયર ના દેખાય તે માટે ડસ્ટબિન ખોલી તેની અંદર થી વાયર નાખી દીધા હતા. જોકે 16 માર્ચના રોજ અભિષેક નામના એક એરફોર્સના અધિકારીના ધ્યાનમાં આ કેમેરો આવ્યો હતો. અને તેણે રેલ્વેના ટીસી તથા રેલ્વે પોલીસને જાણ કરતા આરોપી ઝડપાયો હતો. 
 
મહત્વનુ છે કે, આરોપીએ એક કેમેરામાં 3-4 કલાકનુ રેકોર્ડીંગ કરતો હતો. તે રેકોર્ડિંગ ક્યા ઉપયોગમા લેવાતુ હતુ કે પછી. અન્ય કોઈ સાઈટ પર અપલોડ કરવામાં આવતુ હતુ. જે અંગે પોલીસે વધુ તપાસ હાથ ધરી છે.