ટ્રેન જર્નીની અલગ જ મજા છે. જો તમે ઇંડિયામા રહેતા હો અને અહીં અલગ અલગ પ્રકારના ફુડનો ટેસ્ટ ન કર્યો હોય તો ઘણુ બધુ અધુરુ રહી જાય છે. અહીં અમે તમને ભારતના કેટલાક રેલ્વેસ્ટેશનો અંગે જણાવી દઇએ જેનું જમવાનુ ટેસ્ટી હોવાના લીધે ફેમસ તો છે, પરંતુ ખીસ્સાને પણ પરવડે તેવું છે.
જલંધર સ્ટેશનના છોલે ભટુરે
પંજાબ અને પંજાબીઓ તેમની રિચ ખાણીપીણી માટે ફેમસ છે. જો તમે ક્યારેય પણ પંજાબના જલંધર સ્ટેશન પરથી પસાર થઇ રહ્યા હો તો અહીંના છોલે ભટુરે ખાવાનુ બિલકુલ ન ભુલતા. તમે એકવાર અહીં છોલે ભટુરે ખાઇ લેશો તો તમને દરેક જગ્યાના છોલે ભટુરે ફિક્કા લાગશે.
ખડગપુર જંકશનના દમઆલુ
તમે વેસ્ટ બંગાળના ખડગપુર રેલ્વેસ્ટેશન પાસેથી પસાર થઇ રહ્યા હશો તો જમવાની એક અલગ ખુશ્બુ તમને પોતાની તરફ ખેંચશે. આ ખુશ્બુ હશે મસાલેદાર દમ આલુની. અહીંના દમઆલુની મજા કંઇક અનોખી છે. તમે કદાચ આવા દમઆલુ આખા ભારતમાં ક્યાંય નહીં મેળવી શકો. તો આ વખતે આ ખુશ્બુ તમારા સુધી પહોંચે એ પહેલા તમે ત્યાં સુધી પહોંચી જજો.
એર્નાકુલમ જંકશનના કેળાના પકોડા
સાઉથ ઇંડિયા જાવ તો કેરળના એર્નાકુલમ જંકશનના પકોડા મિસ ન કરશો. આ પકોડા કાચા કેળા અને કેટલીક દાળ અને મેંદામાંથી બનાવાય છે. સ્ટેશન પર ચટણી અને ચા સાથે આ પકોડા તમને વારંવાર અહીં આવવા પર મજબુર કરશે.
રતલામ રેલ્વે સ્ટેશનના પકોડા
રતલામ રેલ્વે સ્ટેશનનુ નામ સાંભળીને જબ વી મેટ ફિલ્મની યાદ આવી જાય છે. અહીં જો તમે પૌઆ ખાઇ લેશો તો માત્ર તેનો સ્વાદ જ યાદ રહી જશે. અહીં ખુબ જ ટેસ્ટી પૌઆ મળે છે. તે રતલામી સેવ, કાચી ડુંગળી અને સહેજ લીંબુના રસ સાથે સર્વ કરવામાં આવે છે.
રાજસ્થાન, આબુ રોડ સ્ટેશનની રબડી
રાજસ્થાનના આબુ રોડ રેલ્વે સ્ટેશન પર જો તમને કેટલાક લોકો હાથમાં રબડીની પ્લેટ સાથે જોવા મળે તો નવાઇ ન પામતા. અહીંની રબડી ખુબ જ ફેમસ છે અને તેની સરખામણીમાં બીજી કોઇ રબડી આવી પણ ન શકે, અહીં એક પ્લેટ રબડી ખાશો તો કદાચ પેટ પણ નહીં ભરાય. તો બીજી પ્લેટ રબડી માટે રેડી થઇ જજો.
કાલીકટ સ્ટેશનનો હલવો
કેરળના કાલીકટ સ્ટેશનનો કોઝિકોડન હલવો ઘણા શેપ, સાઇઝ અને રંગમા મળે છે. આ એક એવી ડિશ છે જેનો સ્વાદ તમારી જીભ પર હંમેશા રહેશે. આ સ્વીટ ડિશ આખા શહેરમાં મળે છે,પરંતુ સ્ટ હલવો તો તમને સ્ટેશન પર જ મળશે.
મદુર રેલ્વે સ્ટેશનના વડા
જો તમારે કર્ણાટકના મદુર જવાનુ થાય તો અહીંના ક્રિસ્પી મદુર વડા ખાવાનુ ન ભુલતા. તે એટલા ટેસ્ટી હોય છે કે સાંજની ચા ના સમયે તમને તેની યાદ જરુર આવશે.