ભારતીય રેલ્વે વિભાગમાં નોકરી કરવા માગતા ઉમેદવારો માટે સારા સમાચાર આવ્યા છે. જે અંતર્ગત પશ્ચિમ રેલવેએ એપ્રેન્ટિસની વિવિધ જગ્યાઓ પર ભરતી માટે અરજીઓ આમંત્રિત કરી છે.
રેલ્વે વિભાગમાં નોકરી કરવા માગતા ઉમેદવારો માટે સારા સમાચાર
આ તારીખ પહેલા કરી દેજો અરજી
ધોરણ 10 પાસ અને ITI કરેલું હોવું જોઈએ
પશ્ચિમ રેલવેએ એપ્રેન્ટિસની વિવિધ જગ્યાઓ પર ભરતી માટે અરજીઓ આમંત્રિત કરી છે. લાયક ઉમેદવારો 27 જૂન 2022 સુધી સત્તાવાર વેબસાઇટ rrc-wr.com દ્વારા પશ્ચિમ રેલવે ભરતી 2022 માટે ઑનલાઇન અરજી કરી શકે છે. આ જગ્યાઓ પર ભરતી માટે અરજી પ્રક્રિયા 28 મેથી શરૂ કરવામાં આવી છે.
રેલ્વે જોબ 2022: કોણ અરજી કરી શકે છે
નોટિફિકેશન મુજબ એપ્રેન્ટિસની જગ્યાઓ પર ભરતી માટે ઉમેદવારની લઘુત્તમ ઉંમર 15 વર્ષ અને મહત્તમ ઉંમર 24 વર્ષ નક્કી કરવામાં આવી છે. જો કે, અનામત કેટેગરીના ઉમેદવારોને સરકારી નિયમો મુજબ ઉપલી વય મર્યાદામાં છૂટછાટ મળશે. આ સિવાય ઉમેદવારે માન્ય બોર્ડમાંથી 10મું પાસ કરેલ હોવું જોઈએ. નેશનલ કાઉન્સિલ ફોર વોકેશનલ ટ્રેનિંગ (NCVT) / સ્ટેટ કાઉન્સિલ ફોર વોકેશનલ ટ્રેનિંગ (SCVT) દ્વારા જારી કરાયેલ સંબંધિત ઈંડસ્ટ્રીમાં ITI પ્રમાણપત્ર પણ હોવું જોઈએ.
રેલવે વેકેન્સી 2022: પસંદગી આ રીતે થશે
આ પ્રક્રિયા દ્વારા, પશ્ચિમ રેલવેમાં ફિટર, વેલ્ડર, કારપેન્ટર, પેઇન્ટર, પ્લમ્બર, સ્ટેનોગ્રાફર, મશિનિસ્ટ અને વાયરમેન સહિત એપ્રેન્ટિસની કુલ 3612 ખાલી જગ્યાઓ પર ભરતી કરવામાં આવશે. આ જગ્યાઓ પર ભરતી માટે ઉમેદવારોની પસંદગી 10માં અને ITIમાં મેળવેલ માર્કસના આધારે કરવામાં આવશે. વિગતવાર માહિતી માટે ઉમેદવારો સત્તાવાર સૂચના જોઈ શકે છે.
રેલ્વે જોબ 2022: આ તારીખ સુધીમાં અરજી કરો
પાત્ર ઉમેદવારો 27 જૂન 2022 ના રોજ અથવા તે પહેલાં સત્તાવાર વેબસાઇટ rrc-wr.com દ્વારા પશ્ચિમ રેલવે એપ્રેન્ટિસ ભરતી 2022 માટે ઑનલાઇન અરજી કરી શકે છે. આ માટે ઉમેદવારોએ રૂ.100ની અરજી ફી ચૂકવવાની રહેશે. વધુ વિગતો માટે તમે સત્તાવાર વેબસાઇટ જોઈ શકો છો.