ભેદ ઉકેલાયો / ભાણેજને મામી સાથે થઈ મહોબ્બત, 8 માસનો ગર્ભ રહ્યો... પછી જે થયું તે ચોંકાવનારું 

• ઉધના રેલવે યાર્ડમાં મહિલાની હત્યાનો ભેદ ઉકેલાયો
• લાલુ અજય બિંદ નામના આરોપીએ કરી હતી હત્યા 
• 'અનૈતિક સંબંધથી કંટાળીને આરોપીએ હત્યા કરી

સુરત રેલવે યાર્ડમાંથી મહિલાની હત્યાનો મામલો

સુરતના ઉધના યાર્ડમાં થયેલી સગર્ભાની હત્યાનો ભેદ સૂરત પોલીસે ઉકેલી નાંખ્યો છે. આ બનાવમાં ખૂદ ભાણેજે મામીને મોતના ઘાટ ઉતારી દીધી હતી.પોલીસે આરોપી ભાણેજને બિહાર થી ઝડપી પાડી સુરત લાવવામાં આવ્યો. 

ઉધના રેલવે યાર્ડમાં મહિલાની હત્યાનો ભેદ ઉકેલાયો

હત્યા કેસ મામલે વેસ્ટર્ન રેલવેની પ્રેસકોન્ફરન્સમાં DYSP બી.એ ચૌધરીએ જણાવ્યું કે, ગત 25મી માર્ચે સુરત શહેરના ઉધના રેલવે યાર્ડમાં ગર્ભવતી મહિલાની ગળું દબાવી તેને માર મારી તેની હત્યા કરેલી લાશ મળી આવી હતી. જે ઘટનાને પગલે રેલવે પોલીસનો કાફલો ઘટના સ્થળે પહોંચી હત્યાનો ગુનો નોંધી વધુ તપાસ હાથ ધરી હતી. બીજી તરફ મહિધરપુરા પોલીસને સમગ્ર ઘટનાની કડીઓ જોડતા cctv ફૂટેજ હાથમાં લાગ્યા હતા, જેમાં એક પુરુષ મહિલા સાથે દેખાય છે.

મોબાઈલ ડેટા અને સર્વેલન્સના આધારે તપાસ કરાઇ: DYSP 

જેને લઈને પોલીસે મોબાઈલ ડેટા અને સર્વેલન્સ આધારે તપાસ હાથ ધરવામાં આવી હતી. હત્યા કર્યા બાદ આરોપી બિહારના ભોજપુર જિલ્લામાં ભાગી ગયો હતો.પોલીસ તપાસમાં જણાવા મળ્યું કે, આરોપી બીજુ કોઈ નહી પરંતુ મૃતક મહિલાનો ભાણેજ લાલુ અજય બિંદ જ નીકળ્યો જે સુરતમાં કિમ સચિનમાં નોકરી કરતો હતો. તપાસમાં પોલીસને જાણવા મળ્યું કે, અજયને મામી રીટા સાથે અનૈતિક સબંધો હતાં. પરંતુ આરોપી સચિન કુટુંબીઓ પણ આ સબંધ સ્વીકારવા તૈયાર ન હતા. 

અનૈતિક સંબંધથી કંટાળીને આરોપીએ હત્યાને અંજામ આપ્યો હતો: DYSP

બીજી તરફ મૃત્યુ પામનાર રીટા દેવી આરોપી સચિનને કહ્યું હતુ મને સાથે રાખ અથવા મારી નાખ ઉલ્લેખનીય છે કે,  રીટાના સિયારામ સાથેલગ્ન થયા હતાં. પરંતુ લાલુ સાથે પ્રેમ થતા પતિને છોડી લાલુ સાથે રહેતી હતી આ દરમિયાન રિટાને 8 માસનો ગર્ભ હતો તે ગર્ભ પણ લાલુ થકી રહ્યો હતો. મરનાર રીટા સતત લાલુને પોતાની સાથે રાખવા દબાણ કરતી હતી.જેથી ગત 25મી માર્ચે આરોપી સચિને રીટા દેવીનું  ઉધના યાર્ડમાં ગળું દબાવીને હત્યા કરી હતી.