રેલ્વેએ રેલ યાત્રીઓને હોળીની ભેટ આપી છે. હવે ક્રેડિટ તથા ડેબિટ કાર્ડથી રેલ્વે ટિકિટ બુકિંગ પર મર્ચન્ટ ડિસ્કાઉન્ટ રેટ ચાર્જ નહી લાગે. આ વ્યવસ્થા કાઉન્ટરથી ટિકિટ ખરીદવાની સાથે IRCTCની વેબસાઇટ દ્વારા ટિકિટ ખરીદનારા પર પણ લાગુ થશે. હાલમાં 0.25%થી 0.95% સુધીનો MDR વસૂલવામાં આવતો હતો.
રેલ્વેના પ્રવક્તા અનુસાર ''ડિજિટલ તથા કેશલેશ ટ્રાન્જેક્શનને પ્રોત્સાહન મળશે.'' જોકે 1 લાખ રૂપિયા સુધીની કિંમતની ટિકિટ ખરીદવામાં આવે તો રેલ્વે મુસાફરને આ વધારાનો ચાર્જ આપવાની જરૂર નથી. ઉલ્લેખનીય છે કે ગત વર્ષથી જ ઑનલાઇન ટિકિટની બુકિંગ પર સર્વિસ ટેક્સ નથી વસૂલવામાં આવી રહ્યો.
રેલવેના પ્રવક્તાએ કહ્યું છે કે તેણે અનરિઝર્વ ટિકિટ્સ પર સ્થાનિક ભાષામાં જાણકારી પ્રકાશિત કરવાનું શરૂ કર્યું છે. તેની શરૂઆત કન્નડ ભાષાથી કરવામાં આવી છે. રેલવેએ કહ્યું છે કે તેણે તેની શરૂઆત મૈસૂર હુબલી અને બેંગલુરુ સ્ટેશન્સથી કરી છે. હવે કર્ણાટકનાં અન્ય રેલવે સ્ટેશન્સથી આપવામાં આવતી અનરિઝર્વ ટિકિટ્સ પર પણ સ્થાનિક ભાષામાં જાણકારી આપવામાં આવશે.