ચિંતાજનક / હવે ટ્રેનમાં સફર કરવું થયું મોંઘું : રેલ મંત્રાલયે ભાડાવધારા પર આપી આ સફાઈ

• પેસેન્જર ટ્રેનોનું ભાડું વધારીને મેલ અને એક્સપ્રેસ ટ્રેનોના અનારક્ષિત ડબ્બાના ભાડા બરાબર કરી દીધા
• રેલવેનું કહેવું છે કે આ સમયે ચાલી રહેલી કુલ પેસેન્જર ટ્રેનોની માત્ર 3 ટકા જ છે
• દરેક પ્રવાસ પર રેલવેને નુકસાન ભોગવવું પડે છે

પેસેન્જર ટ્રેનોનું ભાડું વધારીને મેલ અને એક્સપ્રેસ ટ્રેનોને અનારક્ષિત ડબ્બાના ભાડા બરાબર કરી દીધા

લગભગ 30 દિવસથી ચૂપચાપ વધી રહેલા ભાડા પર રેલવેએ પહેલો ખુલાસો એ આપ્યો છે કે ભાડુ એટલા માટે વધાર્યુ છે જેથી આ કોરોના વાયરસના સંકટના સમયમાં એવા પ્રવાસીઓને પ્રવાસ કરતા રોકી શકાય જેમને ટ્રેન પ્રવાસની બહું જરુર નથી. પેસેન્જર ટ્રેનોનું ભાડું વધારીને મેલ અને એક્સપ્રેસ ટ્રેનોને અનારક્ષિત ડબ્બાના ભાડા બરાબર કરી દીધા છે.

વધતા ભાડા પર રેલવેની સફાઈ નંબર 2

રેલવેએ કોરોના સંકટ પહેલાના સમયની સરખામણીએ 65 ટકા મેલ એક્સપ્રેસ ટ્રેનોને ચલાવવાનું શરુ કરી દીધું છે. જ્યારે 90 ટકા સબઅર્બન ટ્રેનો પણ ચલાવી ચૂક્યા છીએ. આ સમયે રોજની કુલ 326 પેસેન્જર ટ્રેન ચાલી રહી છે. જ્યારે 1250 મેલ-એક્સપ્રેસ ટ્રેનો અને 5350 સબઅર્બન ટ્રેનો ચાલી રહી છે. રેલવેનું કહેવું છે કે આ સમયે ચાલી રહેલી ઓછી પેસેન્જર ટ્રેન કુલ પેસેન્જર ટ્રેનોની માત્ર 3 ટકા જ છે. એટલા માટે આનાથી બહું ઓછા પ્રવાસીઓને અસર પહોંચી છે.

રેલવેની સફાઈ નં-3

ભાડું વધારવાને લઈને રેલવેએ સફાઈ આપતા એ પણ યાદ અપાવ્યું કે પ્રવાસી સેવા પર હંમેશા સબ્સિડી આપવામાં આવે છે અને પ્રત્યેક રેલ પ્રવાસીના દરેક પ્રવાસ પર રેલવેને નુકસાન ભોગવવું પડે છે. રેલવેમાં ઘણી એવી ટ્રેન ચાલે છે જે બહું ઓછી ભરાય છે.

શું પછી હટશે વધેલું ભાડું?

શુ પછીથી રેલ સેવા સામાન્ય થઈ જતા ભાડું ઘટશે? આ સવાલ પર રેલવેના રાષ્ટ્રીય પ્રવક્તા ડીજે નારાયણે કહ્યું કે આવી સ્થિતિઓનો સમય - સમય પર રિવ્યૂ કરવામાં આવશે અને તત્કાલીન સ્થિતિઓ અનુસાર યોગ્ય નિર્ણય લેવાશે.
 

ભાડુ વધવાથી તમારા ખિસ્સા પર કેટલી અસર પડશે

આ સવાલ પર આખરે રેલવેના પેસેન્જર ભાડામાં કેટલા રુપિયા વુદ્ધિ કરવામાં આવી છે? 10 કિમી પર વધેલા ભાડા કયા દરે લાગૂ થશે. રેલવે અધિકારીક રાષ્ટ્રીય પ્રવક્તાએ વિસ્તારથી સમજાવતા કહ્યું કે વધેલા ભાડાની વાત જો તમે ઓછા અંતર માટે કરશો તો આ ટકામાં ઘણું વધારે લાગશે. કેમ કે 20 કિમીના અંતર પર સ્થિત 2 સ્ટેશનોની વચ્ચે ટિકિટ રુ 10 હતી હવે 20 રુ. મળશે. પરંતુ 150 કિમીમીટરના અંતર પર સ્થિત સ્ટેશનની વચ્ચે ભાડાની વાત કરીએ તો આ ફક્ત 10 ટકાની નજીક રહેશે. ઓછા અંતરની ટ્રેનોથી આશય 200 કિમીના અંતરની અંદરની ટ્રેનો માટે લેવામાં આવશે. જો કે આનાથી આવનારા પ્રવાસીઓની સંખ્યાનો અંદાજ લગાવી શકાશે.

જલ્દી વધશે પેસેન્જર ટ્રેનની સંખ્યા 

2 રાજ્યોની વચ્ચે પેસેન્જર ટ્રેન ચલાવવા માટે રેલ મંત્રાલયે સ્વાસ્થ્ય મંત્રાલય અને ગૃહ મંત્રાલય ઉપરાંત રાજ્ય સરકારો પાસેથી પણ પરવાનગી લેવી પડશે. આ પ્રક્રિયાનું પાલન કરતા બહું જલ્દી દેશમાં પેસેન્જર ટ્રેનોની સંખ્યા વધી જશે. ઉલ્લેખનીય છે કે હાલ દેશમાં ફક્ત સ્પેશિયલ ટ્રેન જ ચાલી રહી છે.