ખુશ ખબર / બુલેટ ટ્રેનની ડેડલાઇન જાહેર? રેલ મંત્રીએ કર્યું મોટું એલાન, ગુજરાતમાં બનશે વર્લ્ડ ક્લાસ સ્ટેશન

• બુલેટ ટ્રેનને લઇને મોટું એલાન
• રેલમંત્રી અષ્વિની વૈષ્ણવે કરી જાહેરાત
• દેશની પહેલી બુલેટ ટ્રેન 2026માં થશે શરૂ

નવી દિલ્લી: રેલમંત્રી અષ્વિની વૈષ્ણવે અમદાવાદને લઇને મોટું એલાન કરતાં કહ્યું કે ભારત દેશની સૌથી પહેલી બુલેટ ટ્રેન 2026થી કાર્યરત થશે જેના પર કામ હાલમાં ચાલુ છે. તે સિવાય તેમણે કહ્યું કે  199 સ્ટેશનને વર્લ્ડ ક્લાસ બનાવવા માટેનો માસ્ટર પ્લાન બની રહ્યો છે. જેના અંતર્ગત અમદાવાદ રેલ્વે સ્ટેશન વર્લ્ડ ક્લાસ બનાવવામાં આવશે.

વંદે ભારત એક્સપ્રેસ ઘટનાને લઇને રેલમંત્રી અષ્વિની વૈષ્ણવે કહ્યું કે દેશમાં તમામ રેલ્વે ટ્રેક અત્યારે જમીન પર છે. તેવામાં ઢોરની સમસ્યા પણ રહેતી જોવા મળે છે. જોકે આવા પ્રશ્નોને દૂર કરવા માટે ટ્રેનોને ડીઝાઇન કરવાનમાં આવી રહી છે. વંદે ભારત ટ્રેનની ઘટના બાદ ટ્રેનને વધુ નુક્સાન પહોંચ્યું નથી. ટ્રેનનાં આગળના ભાગના સમારકામ બાદ ફરી ટ્રેન કાર્યરત છે. 

ફરી દોડી વંદેભારત એક્સપ્રેસ
મુંબઇથી ગાંધીનગર જતી દેશની સૌથી પહેલી હાઇસ્પીડ ટ્રેન વંદેભારત એક્સપ્રેસ ગુરુવારે અમદાવાદથી પહેલા બટવા અને મણિનગરની વચ્ચે ટ્રેન એક ભેંસથી અથડાઇ હતી, આ ઘટનામાં કોઇ જાનહાની થઇ નથી પરંતુ ટ્રેનના આગળનો ભાગ તૂટી જતાં તેને રિપેરીંગમાં મોકવી પડી હતી. હાલમાં ટ્રેન ફરી ટ્રેક પર દોડવા માંડી છે. વંદે ભારત એક્સપ્રેસ હાલમાં માત્ર 3 રૂટો પર જ ચાલે છે.

ગુજરાતમાં બનશે 5G લેબ
અષ્વિની વૈષ્ણવે અમદાવાદમાં કહ્યું કે  ગુજરાતમાં 5G લેબનું નિર્માણ કરવામાં આવશે. અશ્વિનીજી આઇટી અને ટેલીકોમનાં મંત્રી પણ છે. હાલમાં તેમણે ઇન્ડિયન મોબાઇલ કોંગ્રેસમાં કહ્યું કે સરકારની દેશમાં 5જી ટેકનોલોજીની 100 લેબ્સ સ્થાપિત કરવાની યોજના છે, તેમાં ઓછામાં ઓછી 12 લેબમાં છાત્રોને ટ્રેનિંગ આપવા અને અને અન્ય લેબ્સનો ઉપયોગ પ્રયોગ કરવામાં થશે.