મોટાભાગે જોવા મળ્યું છે કે, રેલવે ટિકિટ કન્ફર્મ થવાની આશામાં લોકો તત્કાલમાં ટિકિટ બુક કરાવે છે. પરંતુ ઘણીવાર તત્કાલમાં પણ ટિકિટ વેઇટિંગ અથવા RAC મળે છે. એવામાં ટિકિટ કંફર્મ ન થવાના કારણે પેસેન્જરને ઘણી મુશ્કેલીઓનો સામનો કરવો પડે છે. જોકે, હવે મુંબઇમાં એક સ્ટાર્ટઅપે મોટી ઓફરની શરૂઆત કરી છે.
મુંબઇમાં એક સ્ટાર્ટઅપે મોટી ઓફરની શરૂઆત કરી
રેલવે ટિકિટ કન્ફર્મ નહીં થાય તો સ્ટાર્ટઅપ હવાઇ ટિકિટ ઉપલબ્ધ કરાવશે
આ ઓફર અનુસાર જો રેલવે ટિકિટ કન્ફર્મ નહીં થાય તો સ્ટાર્ટઅપ એટલી જ કિંમતમાં હવાઇ ટિકિટ ઉપલબ્ધ કરાવશે.
આ સ્ટાર્ટઅપનું નામ Railofy છે. મુંબઇ સ્થિત Railofy એપ પર આપ રેલવેની તત્કાલ ટિકિટ બુક કરાવી શકો છો. જો આપની ટિકિટ વેટિંગ અથવા RAC છે તો કંપની આપના માટે એર ટિકિટ ઉપલબ્ધ કરાવશે. સરળ ભાષામાં સમજીએ તો તત્કાળથી ટિકિટ કન્ફર્મ નથી મળતી તો આપને ફ્લાઇટથી યાત્રા કરવાની તક મળશે.
જોકે, Railofyની આ સુવિધા હાલ માત્ર મુંબઇથી AC ક્લાસની ટિકિટ પર ઉપલબ્ધ છે. ત્યારે તેના માટે યાત્રાળુઓને 50 રુપિયાથી લઇને 500 રૂપિયા આપી રજિસ્ટ્રેશન કરાવવું પડશે.
કંપની મુજબ, એકવાર રજિસ્ટ્રેશન કર્યા બાદ યાત્રાળુને વિના કોઇ મુશ્કેલીએ તત્કાલ ટિકિટ કરવાની સુવિધા મળશે. કહેવામાં આવી રહ્યું છે કે, આ સુવિધા જલ્દી જ આખા દેશમાં ઉપલબ્ધ બનશે.