ભાવનગરમાં આરોગ્ય વિભાગના અધિકારીઓએ દરોડા પાડયા છે. ગાંધીનગર આરોગ્ય વિભાગમાંથી આવેલી સૂચના બાદ અધિકારીઓએ દરોડા પાડયા છે. અધિકારીઓએ 3 જેટલી ડેરીઓ પર દરોડા પાડયા છે.સુભાષનગરમાં અમુલ પાર્લરમાંથી દૂધના નમૂના લેવામાં આવ્યા છે અને આગળની કામગીરી હાથ ધરવામાં આવી છે.
ઉલ્લેખનીય છે કે ગઇકાલે વડોદરા શહેરના કોર્પોરેશન વિભાગના આરોગ્ય ખાતાએ આજરોજ પણ ઠેર-ઠેર દરોડાની કામગીરી હાથ ધરી હતી આ કામગીરીમાં આરોગ્ય વિભાગના વિવિધ અધિકારીઓએ દરોડા પાડયા હતા. આરોગ્ય વિભાગના અધિકારીઓએ થમ્સ અપ પેપ્સી અને કોકાકોલાના ગોડાઉનમાં દરોડા પાડયા હતા.
જેમાં શહેરના નવાપુર તાંદલજા મક્કરપુરા વાઘોડિયા રોડ પરના વિસ્તારમાં ઠંડા પીણા અને લોકલ કોલ્ડ્રીંન્કસની દુકાનો પર દરોડા પાડવામાં આવ્યા હતી. ઉલ્લેખનીય છે કે ઠંડા પીણાની ગુણવત્તાને લઈને દરોડા પાડવામાં આવ્યા છે. ત્યારે હવે અધિકારીઓએ સેમ્પલને પબ્લિક હેલ્થ લેબોરેટરીમાં પરીક્ષણ માટે મોકલ્યા છે.
ઉલ્લેખનીય છે કે ગરમીથી બચવા લોકો ઠંડાપીણા કુલ્ફી આઈસક્રીમ જેવી ઠંડી વસ્તુઓનું સેવન કરતા હોય છે. ત્યારે ગતરોજ વડોદરા મનપાના આરોગ્ય વિભાગે પણ શહેરમાં કુલ્ફી અને આઈસક્રીમના વેપારીઓને ત્યાં દરોડા પાડયા હતા. વડોદરા મનપાના આરોગ્ય વિભાગે શહેરના વોર્ડ નંબર-2 3 5 6 9 અને 12માં કાર્યવાહી હાથ ધરી હતી.
આપને જણાવી દઇએ કે હાલ ઉનાળાનો માહોલ જામ્યો છે ત્યારે કેટલાક વેપારીઓ દ્વારા ગ્રાહકોના સ્વાસ્થ્ય સાથે છેડછાડ કરવામાં આવતા હોય છે ત્યારે વડોદરા શહેરનું આરોગ્ય તંત્ર પણ હરકતમાં આવી ગયું છે અને વેપારીઓ પર તવાઇ બોલાવવામાં આવી હતી.