જીએસટી વિભાગે અમદાવાદમાં તપાસનો ધમધમાટ ચલાવ્યો છે, વાંધાજનક હિસાબી સાહિત્ય, ડિજીટલ ડિવાઈસિઝ સિક્યોરીટી કેબિનેટમા છૂપાવી હતી આરોપી રાકેશ ચોક્સીની ધરપકડ કરાઈ છે.
સ્ટેટ જીએસટી વિભાગના અમદાવાદમાં દરોડા
ત્રણ બનાવટી પેઢી ઉભી કરી 1400 કરોડના બિલો બનાવ્યા હતા
41 કરોડની ખોટી વેરા શાખ મેળવી હતી
સ્ટેટ જીએસટી વિભાગે અમદાવાદમા દરોડા પાડ્યા છે. ત્રણ બનાવટી પેઢી ઉભી કરી 1400 કરોડના બિલો બનાવ્યાનો ખુલાસો સામે આવ્યો છે. આરોપીએ ત્રણ બોગસ પેઢીઓ બનાવી હતી. જેમાં 41 કરોડની ખોટી વેરા શાખ મેળવી હોવનું પણ ખુલ્યું છે
સ્ટેટ GST વિભાગના અમદાવાદમાં દરોડા, ત્રણ બનાવટી પેઢી ઉભી કરી 1400 કરોડના બિલ બનાવનાર રાકેશ ચોક્સીની કરી ધરપકડ, 41 કરોડની ખોટી વેરા શાખ પણ મેળવી, મેટ્રો કોર્ટે 17 માર્ચ સુધી કસ્ટોડિયલ ઈન્ટ્રોગેશનની મંજૂરી આપી#GST#Ahmedabad#vtvgujaratipic.twitter.com/81uQOMQiQ3
— VTV Gujarati News and Beyond (@VtvGujarati) March 10, 2023
GST વિભાગે રાકેશ ચોક્સીની કરી ધરપકડ
અમદાવાદમાં સ્ટેટ GST વિભાગનો તપાસનો ધમધમાટ ચાલી રહ્યો છે. સ્ટેટ જીએસટી વિભાગે રાકેશ ચોક્સીની ધરપકડ કરી છે. વાંધાજનક હિસાબી સાહિત્ય, ડિજીટલ ડિવાઈસિઝ સિક્યોરીટી કેબિનેટમા છૂપાવી હતી. મેટ્રોપોલિટન કોર્ટે 17 માર્ચ સુધી કસ્ટોડિયલ ઈન્ટ્રોગેશનની મંજૂરી આપી છે.
થોડા દિવસ અગાઉ સુરતમાં દરોડા પાડ્યા હતા
થોડા દિવસ અગાઉ સુરતની 75 પેઢીઓના 112 સ્થળોએ GST વિભાગે પોલીસને સાથે રાખીને દરોડા પાડ્યા હતા. GST વિભાગની તપાસમાં કેટલાક ચોંકાવનારા ખુલાસા થયા હતા. તપાસમાં 2768 કરોડના બોગસ બિલ બનાવ્યા હોવાનું સામે આવ્યું હતું. કરોડો રૂપિયાના બોગસ બિલ બનાવીને રૂપિયા 83 કરોડથી વધારેની ITC પાસ ઓન કરાવવામાં આવી હોવાનું સામે આવ્યું હતું. આ કંપનીઓના GSTમાં નોંધાયેલા 48 બોગસ બેંક ખાતા મળી આવ્યા હતાં. 75માંથી 61 પેઢીઓ બોગસ હોવાનું ખુલ્યું હતું.
ઊંઝાની બોગસ પેઢીમાં 67.51 લાખની કરચોરી પકડાઈ
અત્રે ઉલ્લેખનીય છે કે, ગત જાન્યુઆરી મહિનામાં ઉત્તર ગુજરાતમાં GST વિભાગે સપાટો બોલાવ્યો હતો. જીએસટી વિભાગ દ્વારા ઉત્તર ગુજરાતની 45 પેઢીઓ પર આકસ્મિક રેડ કરવામાં આવી હતી. જેમાં ઊંઝાની બોગસ પેઢીમાં 67.51 લાખની કરચોરી પકડાઈ હતી. લોકોના ડોક્યુમેન્ટથી જીએસટી નંબર મેળવી જીરૂની બોગસ પેઢી ઉભી કરી રૂ.12.51 કરોડનું ટર્ન ઓવર દર્શાવી રૂ.67.51 લાખની આઈટીસી પાસઓન કરાઈ હોવાનું જણાઈ આવતા જીએસટી વિભાગે કરચોરી કરનારને નોટીસ આપી આગળની કાર્યવાહી હાથ ધરી હતી.