તાજેતરમાં NIAએ PFI સભ્ય શફીક પૃથની કેરળમાંથી ધરપકડ કરી પુછપરછ કરતાં ખુલાસો થયો હતો કે, PM મોદીની પટના રેલી PFIના નિશાના પર હતી
NIA સહિત અન્ય એજન્સીઓએ આજે ફરી PFIના અનેક સ્થળો પર દરોડા પાડ્યા
તપાસ એજન્સીઓએ અલગ-અલગ જગ્યાએથી કુલ 13 સભ્યોની ધરપકડ કરી
આસામમાંથી 7 અને કર્ણાટકમાંથી 6 સભ્યોની ધરપકડ કરવામાં આવી
નેશનલ ઈન્વેસ્ટિગેશન એજન્સી (NIA) સહિત અન્ય એજન્સીઓએ આજે ફરી એકવાર દેશભરમાં પોપ્યુલર ફ્રન્ટ ઓફ ઈન્ડિયા (PFI)ના અનેક સ્થળો પર દરોડા પાડ્યા છે. તપાસ એજન્સીઓએ અલગ-અલગ જગ્યાએથી કુલ 13 સભ્યોની ધરપકડ કરી છે. જેમાં આસામમાંથી 7 અને કર્ણાટકમાંથી 6 સભ્યોની ધરપકડ કરવામાં આવી છે. તાજેતરમાં NIAએ PFI સભ્ય શફીક પૃથની કેરળમાંથી ધરપકડ કરી હતી. જેના કારણે પૂછપરછ દરમ્યાન ખુલાસો થયો કે, આ વર્ષે વડાપ્રધાન નરેન્દ્ર મોદીની પટના રેલી પોપ્યુલર ફ્રન્ટ ઓફ ઈન્ડિયાના નિશાના પર હતી.
NIAની પૂછપરછના પ્રથમ રાઉન્ડ બાદ જે લીડ મળી આવી છે. એજન્સીઓ તેના આધારે 8 રાજ્યોની પોલીસ અને અન્ય એજન્સીઓ સાથે મળીને દરોડા પાડી રહી છે. મળતી માહિતી મુજબ, 8 રાજ્યોમાં PFIના સ્થળો પર દરોડા પાડવામાં આવી રહ્યા છે. આ સાથે પીએફઆઈના ઘણા સભ્યોની અટકાયત કરવામાં આવી છે.
4 persons linked with PFI detained from the Nagarbera area today. Our operation against PFI is on in many parts of the district: Hiren Nath, ADGP (Special Branch) Assam
Earlier, Assam police arrested 11 leaders of workers of PFI from various parts of the state& one from Delhi
સૂત્રોએ જણાવ્યું હતું કે, કર્ણાટકમાં પોલીસે આજે સવારે જિલ્લાના PFI પ્રમુખ અને SDPI સચિવની ધરપકડ કરી છે. મળતી માહિતી અનુસાર, PFI જિલ્લા પ્રમુખ અબ્દુલ કરીમ અને SDPI સચિવ શેખ મસ્કસૂદની ધરપકડ કરવામાં આવી છે. જણાવવામાં આવી રહ્યું છે કે કોઈ અપ્રિય ઘટનાની સ્થિતિ ન સર્જાય તે માટે સાવચેતી રૂપે ધરપકડ કરવામાં આવી છે. આથી મેંગ્લોર પોલીસે PFI અને SDPIના સભ્યોની પણ અટકાયત કરી છે. આ સાથે કોલાર જિલ્લામાં પોલીસે PFIના 6 સભ્યોની ધરપકડ કરી છે.