VIDEO: સતત બીજા દિવસે પણ રાજ્યના ફૂડ સેફ્ટી વિભાગનો સપાટો ઠેર-ઠેર ખાદ્ય ચીજની ચકાસણી

રાજ્યના ફૂડ એન્ડ સેફ્ટી વિભાગ દ્વારા રાજ્યભરમાં દૂધના સેમ્પલો લેવાનું અભિયાન હાથ ધરાયું છે. જેના ભાગરૂપે અરવલ્લી પોરબંદર અમદાવાદ જામનગર અને ગીરસોમનાથમાં પણ આરોગ્ય વિભાગનો સપાટો જોવા મળ્યો. અરવલ્લી જિલ્લામાં આરોગ્ય વિભાગે ખાનગી ડેરીમાં દરોડા પાડી દૂધના નમૂના લીધા હતા. તો પોરબંદરમાં પણ વિવિધ ડેરીઓ પર ફૂડ એન્ડ ડ્રગ વિભાગે વિવિધ ડેરીઓ પર જઈ સર્ચ ઓપરેશન હાથ ધરી દૂધના સેમ્પલ લીધા હતા.
  
જ્યારે અમદાવાદના જોધપુર વિસ્તારમાં આવેલી ગોધામ પથમેડા પાર્લરમાં આરોગ્ય વિભાગે ચેકિં ગ હાથ ધરી દૂધના સેમ્પલ મેળવ્યા હતા. તો જામનગરમાં સતત બીજા દિવસે દૂધની ડેરી પર વિભાગ ત્રાટક્યું હતું. પટેલ કોલોનીની ડેરીઓમાં ચેકિંગ દરમિયાન ગુણવત્તા ચકાસવા માટે દૂધના સેમ્પલ લેવાયા હતા.

બીજી તરફ ગીર સોમનાથમાં પણ જિલ્લા ભરની ડેરીઓ સહિત વેરાવળ અને તાલાલાની દૂધની ડેરીઓ પર દરોડા પડયા હતા. આરોગ્ય વિભાગના અધિકારીઓએ લીધેલા આ નમૂના પબ્લિક હેલ્થ લેબોરેટરી ખાતે ચકાસણી માટે મોકલી અપાશે. જો એમાં કોઈ ગેરરીતિ સામે આવશે તો તંત્ર દ્વારા કડક કાયદેસરની કાર્યવાહી હાથ ધરાશે.