ટીમ ઇન્ડિયાના પૂર્વ કેપ્ટન રાહુલ દ્રવિડ ઇન્ડિયા A અને અંડર-19 ટીમને કોચિંગ નહી આપે.
46 વર્ષના રાહુલ દ્રવિડની આ વર્ષની શરૂઆતમાં રાષ્ટ્રીય ક્રિકેટ એકેડમી (NCA)માં હેડ ઑફ ક્રિકેટ તરીકે પસંદગી થઇ હતી.
With Rahul Dravid taking over the National Cricket Academy, Sitanshu Kotak and Paras Mhambrey have been named head coaches of the India A and U19 teams, respectively ⬇️ https://t.co/370VjSwtz7
ICC ના રિપોર્ટ અનુસાર, સીતાંશુ કોટકને ઇન્ડિયા A અને પારસ મહામ્બ્રેને અંડર-19 માટે મુખ્ય હેડ કોચ બનાવવામાં આવ્યા છે. જોકે આ બંનેને આગામી મહિનાઓ માટે આ જવાબદારી સોંપવામાં આવી છે.
રાહુલ દ્રવિડને 2015માં બંને ટીમના મુખ્ય કોચ બનાવવામાં આવ્યા છે. સૌરાષ્ટ્રના પૂર્વ બેટ્સમેન સીતાંશુ કોટક ઇન્ડિયા A ના હેડ કોચ અને બેટિંગ કોચ રહેશે. સીતાંશુ ટીમમાં ભારતના પૂર્વ ઑફ સ્પિનર રમેશ પૉવારની સાથે કામ કરશે, જેમણે બૉલિંગ અને ફિલ્ડિંગ કોચ બનાવવામાં આવ્યા છે.
ભારતના પૂર્વ ફાસ્ટ બૉલર પારસ મહામ્બ્રે સપ્ટેમ્બરમાં કોલંબોમાં થનારા એશિયા કપના અંડર-19 ટીમના મુખ્ય અને બૉલિંગ કોચ હશે. પારસ મહામ્બ્રેએ ઇન્ડિયા A અને અંડર-19ની સાથે લાંબો સમય સુધી રાહુલ દ્રવિડ સાથે કામ કર્યુ છે. આ સાથે તેમણે પૂર્વ ભારતીય બેટ્સમેન હૃષિકેશ કાનિતકર અને અભય શર્માને સાથ મળશે, આ બંનેને ફિલ્ડિંગ કોચ અને બેટિંગ કોચ તરીકે નિયુક્ત કરવામાં આવ્યા છે.