વિવાદ / રાહુલને 'ગરબાની રાત' પડી ભારે : એક્ટરને મળી રહી છે જાનથી મારવાની ધમકી, જાણો શું છે મામલો

• રાહુલ વૈદ્યને મળી રહી છે જાનથી મારી નાંખવાની ધમકી
• રાહુલ વૈદ્ય પણ ખૂબ જ પોપ્યુલર સિંગર છે
• નવરાત્રિની શરૂઆતમાં તેનું નવરાત્રિનું એક ખાસ ગીત 'ગરબે કી રાત' રિલીઝ થયું

આ ગીતમાં તેણે 'શ્રી મોગલ મા'નો ઉલ્લેખ કર્યો છે જે ગુજરાતમાં પૂજાય છે. ગીતમાં મા   દેવીનો ઉપયોગ તેમના કેટલાક ભક્તોને યોગ્ય ન લાગ્યો. આ પછી તેમણે આ ગીત સાથે રાહુલ વૈદ્યનો વિરોધ કરવાનું શરૂ કરી દીધું છે. રાહુલને ઘણાં મેસેજ અને ધમકીભર્યા કોલ્સ મળી રહ્યાં છે, જેમાં લોકો તેને માતા દેવીનું નામ હટાવવા માટે કહી રહ્યાં છે. જ્યારે કેટલાક લોકો અલગ અલગ મ્યુઝિક પ્લેટફોર્મ પર આ ગીત પર પ્રતિબંધની માંગ કરી રહ્યાં છે.

 

 

 

 

View this post on Instagram

 

 

 

 

 

 

 

 

 

 

 

A post shared by Nia Sharma (@niasharma90)

રાહુલ વૈદ્યના પ્રવક્તાએ આ વાતની પુષ્ટિ કરી છે. તેણે કહ્યું, હા આ સાચું છે કે આવા મેસેજ અને કોલ્સની સંખ્યા ગઈકાલ રાતથી વધી ગઈ છે, મેસેજમાં લોકો રાહુલ વૈદ્યને જાનથી મારી નાંખવાની અને તેની સામે એફઆઈઆર નોંધવાની વાત કરી રહ્યાં છે. અમે માતા દેવીનો આદર સાથે ઉલ્લેખ કર્યો હતો અને તેનો અર્થ કોઈની લાગણીઓને ઠેસ પહોંચાડવાનો નહોતો. જોકે, એ હકીકતને સમજીને કે લોકોનો અમુક વર્ગ ગીતમાં માતા દેવીનું નામ પસંદ નથી કરતા, અમે તેનું સન્માન કરીએ છીએ અને અમારા સ્તરે તેને સુધારવા માટે કામ કરી રહ્યાં છીએ.

પ્રવક્તાએ આગળ કહ્યું, અમે દરેકને વિનંતી કરીએ છીએ કે અમને થોડાં દિવસનો સમય આપો, કારણ કે અમે જે પ્લેટફોર્મ પર ગીત રિલીઝ કર્યું છે તેમાં સુધારાને એડજસ્ટ કરવામાં થોડા દિવસો લાગશે. અમે દરેકની લાગણીઓનું સન્માન કરીએ છીએ. જેમણે તેમની ચિંતા વ્યક્ત કરી છે, અમે તેને સુધારવા માટે કામ કરી રહ્યા છીએ. 

 

 

 

 

View this post on Instagram

 

 

 

 

 

 

 

 

 

 

 

A post shared by RAHUL VAIDYA RKV 💫 (@rahulvaidyarkv)

'ગરબે કી રાત' રાહુલ વૈદ્ય અને ભૂમિ ત્રિવેદીએ ગાયું છે. આ ગીત 8 ઓક્ટોબરે રિલીઝ થયું હતું અને આ મ્યુઝિક વીડિયોમાં નિયા શર્મા અને રાહુલ વૈદ્યએ પર્ફોર્મ કર્યું છે. નિયા અને રાહુલ વૈદ્ય ગીતને પ્રમોટ કરવા માટે 'બિગ બોસ 15'ના પહેલાં વીકેન્ડ કા વાર એપિસોડમાં આવ્યા હતા. તેના ગીત પર પરિવારના સભ્યોએ ગરબા પણ કર્યા હતા.