આઈપીએલ ચાલી રહ્યો છે અનેક ખેલાડીઓ તેનું શ્રેષ્ઠ પ્રદર્શન બતાવીણએ ચાહકોનું દીલ જીતી રહ્યા છે એવામાં આજે અમે તમને આક એવા જ ક્રિકેટર વિશે જાણવા જઈ રહ્યા છીએ જે આઈપીએલનો હીરો માનવામાં આવે છે, આ ખેલાડીએ જ્યારે 9 મહિનાની ઉંમરે પહેલું પ્લાસ્ટિકનું બેટ લીધું ત્યારે જ તેના પિતાના એક સિનિયરે કહ્યું હતું કે, 'તેને ક્રિકેટર બનાવો' અને આજે જુઓ કે તે IPL ના કરોડપતિ ખેલાડીઓમાં સામેલ છે. જણાવી દઈએ કે તેનો આઈપીએલનો પગાર 8.5 કરોડ છે અને આ ખેલાડીનું નામ છે રાહુલ ત્રિપાઠી.
સનરાઇઝર્સ હૈદરાબાદના ખેલાડી રાહુલ ત્રિપાઠીએ IPL 2023ની છેલ્લી મેચમાં પંજાબ કિંગ્સના બોલરોને માત આપી હતી. સનરાઇઝર્સના આ બેટ્સમેને હૈદરાબાદમાં રમાયેલી મેચમાં 48 બોલમાં અણનમ 78 રન બનાવ્યા અને પોતાની ટીમની 8 વિકેટથી જીત અપાવી હતી. હવે IPL 2023માં સનરાઈઝર્સ હૈદરાબાદનો મુકાબલો કોલકાતા નાઈટ રાઈડર્સ સાથે થશે અને એ મેચમાં રાહુલ ત્રિપાઠી તેનું પહેલા જેવું ફોર્મ જાળવી રાખવાનો શ્રેષ્ઠ પ્રયાસ કરશે.
જણાવી દઈએ કે આવનારી મેચ કોલકાતાના ઈડન ગાર્ડન્સમાં રમાશે અને કોલકાતાની ટીમને તેના ઘરમાં હરાવવા માટે તેણે તેની રમતની શરૂઆત એ જ ધાકડ ફૉર્મમાં કરવી પડશે જ્યાં તેને હૈદરાબાદમાં છોડી હતી.
જો કે એક રસપ્રદ વાત એ છે કે રાહુલ ત્રિપાઠી જેટલો આજે ક્રિકેટનો જબરદસ્ત ખેલાડી છે એવી જ રીતે તે તે વાંચન અને લેખનમાં ઝડપી હતો અને એ હંમેશા ટોપ 5 વિદ્યાર્થીઓમાં આવતો હતો. આ સાથે જ તેનું ગણિત ખૂબ સારું હતું અને એ કારણે તે એન્જિનિયર બનવા માંગતો હતો પણ બોલ અને બેટ પ્રત્યેના તેના અઢળક લગાવણએ કારણે તે ક્રિકેટર બની ગયો.
એક વાતચીત દરમિયાન બાળપણનો કિસ્સાઓ શેર કરતાં તેને કહ્યું હતું કે બાળપણમાં પણ ખૂબ તોફાની હતો અને બાળપણમાં જ્યારે પણ ગામ જતો ત્યારે તે પોતાના બેટથી બારીઓના કાચ તોડી નાખતો હતો જો કે એટલું જ નહીં, એક વખત તેને ગંગા નદીમાં છલાંગ લગાવી દીધી હતી જે બાદ તેને ઘણી મુશ્કેલીથી બચાવવામાં આવ્યો હતો.