નિરાશ / એક ચાન્સની રાહ જોઈને બેસી રહ્યો છે IPL નો સ્ટાર ખેલાડી, ટીમમાં સ્થાન ન મળતાં ફેન્સ બગડ્યા

• રાહુલ ત્રિપાઠીને ફરીથી પ્લેઈંગ ઈલેવનમાં ના મળ્યું સ્થાન
• જગ્યા ના મળતા ક્રિકેટ પ્રેમીઓ થયા નિરાશ
• રાહુલ ત્રિપાઠીની પાસે આંતરરાષ્ટ્રીય ડેબ્ચુ કરવાની શ્રેષ્ઠ તક હતી

રાહુલ ત્રિપાઠીને ના મળી જગ્યા 

જો કે, બીજી વન-ડેમાં ટીમ જીતવામાં સફળ રહે છે તો તે શ્રેણી પર કબજો જમાવશે. ભારત અને ઝીમ્બાબ્વેની વચ્ચે કુલ ત્રણ મેચ રમાવાની છે. ભારતીય ક્રિકેટ કંટ્રોલ બોર્ડના ટ્વિટર પરથી પ્લેઈંગ ઈલેવનમાં રમી રહેલા ખેલાડીઓની જાણકારી શેર કરવામાં આવી છે. પરંતુ ક્રિકેટ પ્રેમીઓ રાહુલ ત્રિપાઠીનો ટીમમાં સમાવેશ ના કરાતા નિરાશ છે. આ મેચમાં રાહુલ ત્રિપાઠીની પાસે આંતરરાષ્ટ્રીય ડેબ્ચુ કરવાની શ્રેષ્ઠ તક હતી. પરંતુ કોચ અને કેપ્ટને આ ખેલાડીને એક વખત ફરીથી બેન્ચ પર બેસાડવાનુ યોગ્ય સમજ્યું.

આઈપીએલમાં રહ્યો છે શાનદાર રેકોર્ડ 

છેલ્લી કેટલીક સિઝનથી આઈપીએલમાં રાહુલ ત્રિપાઠી સતત રન બનાવી રહ્યાં છે. તેમ છતા ભારતીય ટીમમાં પોતાની જગ્યા બનાવવા માટે તેમણે અનેક મુશ્કેલીમાંથી પસાર થવુ પડ્યુ છે. ઝીમ્બાબ્વે પ્રવાસ પર જ્યારે તેમની પસંદગી કરવામાં આવી તો ક્રિકેટ પ્રેમીઓને લાગ્યુ કે અહીં ગમે તેમ તેમને પ્લેઈંગ ઈલેવનમાં રમવાની તક મળશે. પરંતુ આવુ હજુ સુધી જોવા મળ્યું નથી. પ્રારંભિક બંને વન-ડે મેચમાં રાહુલ ત્રિપાઠીને તક આપવામાં આવી નથી. 

A look at our Playing XI 👇

One change for #TeamIndia. Shardul Thakur comes in place of Deepak Chahar.

Live - https://t.co/6G5iy3rRFu #ZIMvIND pic.twitter.com/JAmJ6HxmGu

— BCCI (@BCCI) August 20, 2022

 
સોશિયલ મીડિયામાં યુઝર્સે દર્શાવી નારાજગી 

સોશિયલ મીડિયામાં યુઝર્સ પોતાની નારાજગી દર્શાવી રહ્યાં છે. 31 વર્ષીય રાહુલ ત્રિપાઠીને ડેબ્યુ માટે હજુ વધુ રાહ જોવી પડશે. રાહુલ ત્રિપાઠીના નામે 47 ફર્સ્ટ ક્લાસ મેચમાં 33.86ની સરેરાશથી કુલ 2540 રન છે. જ્યારે લિસ્ટ એ મેચમાં તેમણે 31ની સરેરાશથી 1209 રન બનાવ્યાં છે. ભારતીય ટીમ 2016 બાદ પહેલી વખત ઝીમ્બાબ્વે પ્રવાસ પર ગઇ છે, એવામાં જોવુ રસપ્રદ રહેશે કે છેલ્લી વન-ડેમાં ત્રિપાઠીને રમવાની તક મળે છે કે નહીં.