ભારત અને ઝીમ્બાબ્વે વચ્ચેની મેચમાં કેપ્ટન કેએલ રાહુલ રાહુલ ત્રિપાઠીને ઇન્ટરનેશનલ ક્રિકેટમાં ડેબ્યૂ કરવાની તક આપી શકે છે.
આજે ભારત અને ઝીમ્બાબ્વે વચ્ચે મેચ રમાશે
બપોરે 12:45થી મેચ શરૂ થશે
રાહુલ ત્રિપાઠીને મળી શકે છે ઇન્ટરનેશનલ ક્રિકેટમાં ડેબ્યૂની તક
આજે ભારત અને ઝીમ્બાબ્વે વચ્ચે મેચ રમાશે
ભારતીય ક્રિકેટ ટીમ ઝિમ્બાબ્વેનાં પ્રવાસે છે. અહીં બંને ટીમો વચ્ચે ત્રણ મેચની વન ડે સીરિઝ રમવામાં આવશે. સીરિઝનો પહેલો મુકાબલો આજે એટલે કે 18 ઓગસ્ટનાં રોજ રમવામાં આવશે. હરારેમાં થનાર આઅ મેચ ભારતીય સમય અનુસાર બપોરે 12:45 વાગ્યાથી શરૂ થશે.
જણાવી દઈએ કે ભારત અને ઝિમ્બાબ્વેની ટીમો 6 વર્ષ બાદ સામસામે આવશે. છેલ્લે ભારત અને ઝિમ્બાબ્વે વચ્ચે ઇન્ટરનેશનલ મેચ 22 જૂન, 2016નાં રોજ રમવામાં આવી હતી. ત્યારે ટી20 મેચમાં ભારતે 3 રનથી જીત પ્રાપ્ત કરી હતી.
સીરિઝનાં આ પહેલા વન ડે મુકાબલા માટે ભારતીય કેપ્ટન કેએલ રાહુલ પોતાની પ્લેઇંગ 11માં રાહુલ ત્રિપાઠીને તક આપી શકે છે. જો આમ બને છે, તો રાહુલ ત્રિપાઠીનું આઅ ઇન્ટરનેશનલ ક્રિકેટમાં ડેબ્યૂ હશે. રાહુલ ત્રિપાઠીને તક આપવા માટે ઋતુરાજ ગાયકવાડને બહાર બેસાડવાની શક્યતા છે.
ધવન સાથે ગિલ કરી શકે છે ઓપનિંગ
ઓપનિંગમાં શિખર ધવન સાથે શુભમન ગિલ જોવા મળી શકે છે. કેપ્ટન કેએલ રાહુલ ચોથા નંબર પર બેટિંગ કરતા જોવા મળશે. જ્યારે વિકેટકીપર બેટ્સમેન તરીકે ઇશાન કિશન અથવા સંજૂ સેમસનમાંથી કોઈ એકને તક મળશે. ફાસ્ટ બોલિંગમાં મોહમ્મદ સિરાજ, શાર્દૂલ ઠાકુર અને આવેશ ખાન કમાન સાંભળતા જોવા મળી શકે છે. દીપક ચાહર અને પ્રસિદ્ધ કૃષ્ણાને પણ તક મળી શકે છે.
જો સ્પિન ડિપાર્ટમેન્ટની વાત કરીએ તો અક્ષર પટેલની સાથે સાથે કુલદીપ યાદવનું કોમ્બિનેશન મેદાન પર જોવા મળી શકે છે. અપિન ઓલરાઉન્ડરમાં દીપક હુડ્ડા પણ જોવા મળી શકે છે. આવામાં બાંગ્લાદેશને સતત બે સીરિઝમાં હરાવીને આવી રહેલ ઝિમ્બાબ્વે માટે આઅ પડકાર સરળ નહીં રહે.