આશિકી ફેમ એક્ટર રાહુલ રૉયને ફિલ્મની શૂટિંગ દરમિયાન બ્રેન સ્ટ્રોક આવ્યો હતો. હાલમાં તે મુંબઇના નાણાવટી હોસ્પિટલમાં દાખલ છે તેમની કંડિશન સારી છે તેવું ડૉક્ટર્સ કહી રહ્યાં છે.
રાહુલ રૉયની તબીયત લથડી
નિશાંત મલકાનીએ આપી માહિતી
મંગળવારે રાહુલને લઇ જવામાં આવ્યા હતા
રાહુલ એક ફિલ્મનું શૂટિંગ કરી રહ્યાં હતા અને તે દરમિયાન જ તબિયત બગડતા તેમને દવાખાનામાં દાખલ કરવામાં આવ્યા હતા. નાના પાટેકર અને તેમના દિકરા મલ્હાર સૌ પહેલા મદદ માટે દોડી આવ્યા હતા. તેમણે જ રાહુલને હોસ્પિટલમાં દાખલ કરાવ્યો હતો.
તે ફિલ્મમાં બિગબોસ ફેમ એક્ટર નિશાંત મલકાની પણ છે. તેમણે રાહુલ જલ્દી ઠીક થઇ જાય તે માટે પ્રાર્થના કરી હતી. નિશાંતે કહ્યું આ કે આ ઘટના મંગળવારે ઘટી હતી. અમે બધા જ્યારે સોમવારે પેક-અપ કરીને સૂવા ગયા ત્યારે તે ઠીક હતા પરંતુ વાતાવરણના કારણે તેમને આ તકલીફ થઇ છે. કારગિલમાં -15 ડિગ્રી તાપમાન છે, જ્યાં અમે લોકો શૂટિંગ કરી રહ્યાં છીએ.
મંગળવારે જ્યારે રાહુલની તબિયત થોડી બગડી તો અમે નોટિસ કર્યુ કે તે ડાયલોગ સરખી રીતે બોલી શકતા નથી, તે ડાયલોગ ભૂલી રહ્યાં હતા. તેમની હાલત ખરાબ થઇ રહી હતી અને તે આમ તેમ જોઇ રહ્યાં હતા.
એક્ટરને કારગિલની મિલિટ્રી હોસ્પિટલમાં સારવાર માટે મોકલવામાં આવ્યા હતા. રાહુલની સ્થિતિ સમજવા માટે બુધવારે સીટી સ્કેન કરવામાં આવ્યું હતુ. સેનાની મદદથી તેમને હેલીકોપ્ટર દ્વારા શ્રીનગર લઇ જવામાં આવ્યા હતા અને સાંજ સુધી તેમની હાલત ગંભીર થતા તેમને મુંબઇની નાણાવટી હોસ્પિટલમાં ખસેડવામા આવ્યા હતા.