ચૂંટણી / રાહુલે મસ્તીમાં પ્રિયંકાને કહ્યુ કે, 'હું સારો ભાઇ છું એટલે જ નાના હેલિકોપ્ટરમાં ફરી રહ્યો છું.'

કોંગ્રેસ અધ્યક્ષ રાહુલ ગાંધી અને પાર્ટીના મહાસચિન પ્રિયંકા ગાંધી લોકસભા ચૂંટણીમાં પોતાની પાર્ટીને જીત અપાવવા માટે પ્રયત્ન કરી રહ્યા છે. આ વચ્ચે શનિવારે બંને કાનપુરના એક હેલિપેડમાં અલગ અંદાજમાં જોવા મળ્યા. આ દરમિયાન રાહુલે એક સારા ભાઇનો મતલબ સમજાવ્યો હતો.

રાહુલે કહ્યુ કે, હુ તમને જણાવુ છું કે, ''સારા ભાઇનો મતલબ શું થાય? હું લાંબી-લાંબી યાત્રાઓ નાના હેલિકોપ્ટરમાં કરી રહ્યો છું. જ્યારે પ્રિયંકાને મોટી મુસાફરી માટે મોટુ હેલિકોપ્ટર મળે છે.''

ઉલ્લેખનીય છે કે, રાહુલે જાન્યુઆરાીમાં પ્રિયંકાને કોંગ્રેસના મહાસચિવ બનાવ્યા હતા, તેમણે લોકસભા ચૂંટણી માટે પૂર્વી ઉત્તર પ્રદેશની કમાન સોંપવામાં આવી હતી, પ્રિયંકા આ પહેલા સક્રિય રાજનીતિમાં ના હતી. જોકે રાયબરેલી અને અમેઠીમાં સોનિયા ગાંધી અને ભાઇ રાહુલ માટે પ્રચાર કરતી હતી. કોંગ્રેસના મહાસચિવ બન્યા પછી તે સતત સક્રિય છે, તે કોંગ્રસેના ઉમેદવારોના સમર્થનમાં સભાઓ અને રોડ શો કરી રહી છે.