રાજકારણ / મોંઘવારીના વિકાસ મુદ્દે રાહુલ ગાંધીનો પ્રહાર, કહ્યું 'દેશ પર ભારે અચ્છે દિન, મિત્રો સુધી જ...'

• રાહુલ ગાંધીએ મોદી સરકાર પર કર્યા પ્રહાર 
• ટ્વીટર પર ટ્વીટ કરીને સાંધ્યું નિશાન 
• પેટ્રોલ ડિઝલના ભાવ મુદ્દે સરકારને કરી ટાર્ગેટ 

રાહુલ ગાંધી છેલ્લા ઘણા સમયથી ટ્વીટર પર ટ્વીટ કરીને મોદી સરકાર પર પ્રહાર કરતા હોય છે. ત્યારે વધુંમાં ફરી વખત તેમણે પેટ્રોલ ડિઝલના વધતા ભાવને લઈને મોદી સરકારને ટાર્ગેટ કર્યા છે. તેમણે ટ્વીટ કરીને કહ્યું કે વડાપ્રધાનની બસ મિત્રોની જવાબદારી છે. જેના કારણે તેઓ ફરી વખત ચર્ચામાં આવ્યા છે. 

महँगाई का विकास जारी,
‘अच्छे दिन’ देश पे भारी,
PM की बस मित्रों को जवाबदारी!#PNG #CNGPriceHike

— Rahul Gandhi (@RahulGandhi) July 9, 2021

પેટ્રોલ-ડિઝલનો ભાવ 100 રૂપિયાને પાર 

આપને જણાવી દઈએ કે મોટા ભાગના રાજ્યોમાં પેટ્રોલનો ભાવ 100 રૂપિયા પહોચી ગયો છે. તો ગણા બધા રાજ્યોમાં ડિઝલનો ભાવ પણ 100 રૂપિયા ની આસપાસ પહોચી ગયો છે. જેથી રાહુલ ગાંધીએ ટ્વીટ કરીને મોદી સરકાર પર પ્રહાર કર્યા, જેમા તેમણે કહ્યું કે મોંઘવારીનો વિકાસ યથાવત છે. અચ્છે દિન દેશ માટે ભારે પડી રહ્યા છે. 

વધતા ભાવને લઈને સરકાર પર કર્યા પ્રહાર 

ટ્વીટર પર તેમણે જે ટ્વીટ કર્યુ છે, તેમા તેમણે #PNG અને #CNGpricehikનો ઉપયોગ કર્યો છે. નોંધપાત્ર બાબત છે કે પેટ્રોલ ડિઝલના વધતા ભાવને લઈને સામાન્ય માણસો ભારે હાંલાકીનો સામનો કરી રહ્યા છે. પરંતુ સરકાર દ્વારા ભાવમાં ઘટાડો કરવામાં નથી આવી રહ્યો જેના કારણે હવે વિપક્ષ દ્વારા સરકાર પર પેટ્રોલના ભાવને લઈને નિશાન સાંધવામાં આવી રહ્યું છે. 

CNG અને PNGના ભાવમાં પણ વધારો 

ગઈકાલે પણ પેટ્રોલના ભાવામાં 35 પૈસા અને ડિઝલના ભાવમાં 9 પૈસાનો વધારો કરવામાં આવ્યો છે. આ વર્ષે પેટ્રોલનો ભાવ 16 રૂપિયા 85 પૈસા તો ડીઝલનો ભાવ 15 રૂપિયા 75 પૈસા વધ્યો છે. જેના કારણે લોકોનું બજેટ ખોરવાયું છે. ત્યારે વધુંમાં સરકાર દ્વારા સીએનજી અને પીએનજીના ભાવ પણ વધારવામાં આવ્યા છે. 

ટ્વીટર પર પ્રહાર 

ઉલ્લેખનીય છે કે રાહુલ ગાંધી સોશિયલ મીડિયા પર છેલ્લા ઘણા સમયથી મોદી સરકારને ટાર્ગેટ કરી રહ્યા છે. અગાઉ પણ તેમણે મન કી બાત મુદ્દે વડાપ્રધાનને કહ્યું હતું કે પહેલા લોકો સુધી વેક્સિન પહોચાડો બાદમાં મન કી બાત કરજો. ત્યારે ફરી વખત તેમણે પેટ્રોલના વધતા ભાવને લઈને મોદી સરકારને ટાર્ગેટ કરી છે.