લોકસભાનો મહા પર્વ ચાલી રહ્યો છે, ત્યારે દેશમાં ચારે તરફ ચૂંટણી પ્રચારનો માહોલ ગરમ છે. જ્યારે આજે રાહુલની એક રેલી રદ્દ થઇ છે. પશ્ચિમ બંગાળના સિલિગુડી પોલીસ ગ્રાઉન્ડમાં કોંગ્રેસ અધ્યક્ષ રાહુલ ગાંધીના હેલિકોપ્ટરને ઉતરવાની મંજુરી ના મળતા રાહુલ ગાંધીની રેલી રદ કરવાનો નિર્ણય લેવામાં આવ્યો છે
પશ્ચિમ બંગાળના સિલિગુડી પોલીસ ગ્રાઉન્ડમાં કોંગ્રેસ અધ્યક્ષ રાહુલ ગાંધીના હેલિકોપ્ટરને ઉતરવાની મંજુરી ના મળતા રાહુલ ગાંધીની રેલી રદ કરવાનો નિર્ણય લેવામાં આવ્યો છે. તેમની રેલી સિલિગુડીના ડાગપુર ગ્રાઊન્ડમાં યોજાવાની હતી. જે દાર્જલિંગ લોકસભા વિસ્તાર છે.
પોલીસે રાહુલ ગાંધીના હેલિકોપ્ટરને ઉતરવાની મંજૂરી ના આપતા રેલી રદ કરવામાં આવી છે. પોલીસે મંજૂર ના આપવાના કારણમાં જગ્યાનો અભાવ ગણાવ્યો. સિલિગુડી પોલીસ કમિશનર બી.એલ.મીણાએ કહ્યું કે, અમે સિલિગુડી પોલીસ કમિશનરેટ ગ્રાઉન્ડમાં હેલિકોપ્ટર ઉતારવાની મંજૂરી આપી શકીએ નહીં. કારણ કે અનેક ગાડીઓ અહીં ઉભી રહે છે. જેથી જગ્યાનો પણ અભાવ છે.
તો રાજ્ય સરકાર પર કોંગ્રેસના ઉમેદવાર શંકર માલકરે આરોપ લગાવતા કહ્યું કે, પોલીસે તેમનો આ નિર્ણય બહુ પહેલા જણાવી દેવો જોઈએ. જેથી હેલિકોપ્ટર ઉતારવા માટે અમે કોઈ અન્ય વિકલ્પ પસંદ કરતા. વ્યવસ્થા માટે અમારે ઓછામાં ઓછા 48 કલાક જોઈએ..