આર્યન ખાન જ્યારે ડ્રગ્સ કેસમાં જેલમાં હતો ત્યારે રાહુલ ગાંધીએ શાહરુખ ખાનને પત્ર લખ્યો હતો. જેમા તેમણે શાહરૂખને કહ્યું હતું કે દેશ તમારી સાથે છે.
આર્યન ખાનના કેસમાં નવો ખુલાસો
રાહુલ ગાંધીએ શાહરૂખને લખ્યો હતો પત્ર :સૂત્ર
પત્રમાં કહ્યું હતું કે દેશ તમારી સાથે છે
ક્રુઝ ડ્રગ્સ કેસને લઈને એનસીબી દ્વારા શાહરૂખ ખાનના પુત્રની ધરપકડ કરવામાં આવી હતી. જેમાં તેને જામીન અપાવામાં શાહરૂખને ઘણી તકલીફો પડી હતી. ત્યારે આ સમગ્ર મામલે હવે એવી માહિતી સામે આવી છે કે આ કેસમાં રાહુલ ગાંધીએ પણ શાહરૂખને ચિઠ્ઠી લખી હતી. જેમા તેમણે શાહરૂખને આશ્વાસન આપતા કહ્યું હતું કે દેશ તમારી સાથે છે.
આર્યન જેલમાં હતો ત્યારે ચીઠ્ઠી લખવામાં આવી
સૂત્રો દ્વારા મળતી માહિતી પ્રમાણે આ ચિઠ્ઠી આર્યન ખાન જ્યારે જેલમાં હતો ત્યારે લખવામાં આવી હતી. 2 ઓક્ટોબરે આર્યન ખાનની ધરપકડ કરવામાં આવી હતી. જેમા ગત ગુરુવારે તેને જામીન મળ્યા હતા. ક્રુઝ પર જ્યારે રેડ કરવામાં આવી ત્યારે ત્યાથી આર્યન ખાનના ફ્રેન્ડસ અરબાઝ અને મુનમુનને પણ ઝડપી પાડવામાં આવી હતી.
બે વખત તેના જામીન થયા હતા રદ
સેશન્સ કોર્ટ દ્વારા બે વખત આર્યનના જામીન રદ કરવામાં આવ્યા હતા. ત્રણ વખત આર્યનને જામીન નહોતા મળ્યા પરંતુ ત્રીજી વખત તેના જામીનને લઈને વકીલોને સફળતા મળી હતી. આર્યન ખાનનું નામ ડ્રગ્સ કેસમાં આવ્યા બાદ બોલિવૂડના ઘણા સેલેબ્રિટી તેના સમર્થનમાં આવ્યા હતા.
22 દિવસ આર્યન આર્થર રોડ જેલમાં રહ્યો
ઉલ્લેખનીય છે કે જ્યારે 30 ઓક્ટોબરે આર્યન તેના ઘરે મન્નત ગયો ત્યારે તેના ફેન્સે ઉત્સાહ પણ મનાવ્યો હતો. શાહરૂખ ખાન તેના કાફલા સાથે આર્યન ખાનને લેવા માટે આર્થર રોડ જેલ પહોચ્યા હતા. ત્યાથી પછી જ્યારે તેઓ ઘરે ગયા તો ફેન્સે ઘરની બહાર ઉત્સવ મનાવ્યો હતો. મહત્વનું છે કે આર્યનને 22 દિવસ માટે આર્થર રોડ જેલમાં રાખવામાં આવ્યો હતો.