મહિલા અનામત / PM મોદી તમે આગળ વધો, કોંગ્રેસ કોઈ પણ શરત વગર તમારી સાથે છે: મહિલા અનામત બિલ મુદ્દે રાહુલ ગાંધીનું જૂનું ટ્વિટ થઈ રહ્યું છે વાયરલ

• રાહુલ ગાંધીનું જૂનું ટ્વિટ વાયરલ
• મહિલા અનામત મુદ્દે છે ટ્વિટ
• સાથે જ PM મોદીને લખ્યો હતો પત્ર 

સંસદનું ખાસ સત્ર 18 સપ્ટેમ્બરે શરૂ થઈ ગયું છે. આ વચ્ચે ખબર સામે આવી રહી છે કે કેન્દ્રીય કેબિનેટે મહિલા અનામત બિલને મંજૂરી આપી દીધી છે. વિપક્ષી પાર્ટી કોંગ્રેસે તેનું સમર્થન કર્યું છે.

કોંગ્રેસના વરિષ્ઠ નેતા જયરામ રમેશે સોશિયલ મીડિયા પ્લેટફોર્મ X પર આ બિલના ઈતિહાસના વિશે પોસ્ટ કરી છે. સાથે જ તેમણે 2018માં લખેલા રાહુલ ગાંધીના એક પત્રને પણ રીપોસ્ટ કર્યો છે. આ પત્ર પ્રધાનમંત્રી નરેન્દ્ર મોદીને લખ્યો હતો. 

તેને શેર કરતા રાહુલ ગાંધીએ લખ્યું, "અમારા પ્રધાનમંત્રી કહે છે કે તે મહિલા સશક્તિકરણના યોદ્ધા છે. પાર્ટી પોલિટિક્સથી ઉપર ઉઠવા તે જે કહે છે તેને પુરૂ કરવા અને સંસદમાં મહિલા અનામત બિલને પાસ કરવાનો સમય આવી ગયો છે. કોંગ્રેસ તેના માટે તેમને કોઈ પણ શરતો વગર સમર્થન આપવાનો પ્રસ્તાવ મુકે છે."

Our PM says he’s a crusader for women’s empowerment? Time for him to rise above party politics, walk-his-talk & have the Women’s Reservation Bill passed by Parliament. The Congress offers him its unconditional support.

Attached is my letter to the PM. #MahilaAakrosh pic.twitter.com/IretXFFvvK

— Rahul Gandhi (@RahulGandhi) July 16, 2018

વાયરલ થઈ રહ્યું છે ટ્વીટ 
રાહુલ ગાંધીનું આ ટ્વીટ હવે સોશિયલ મીડિયા પ્લેટફોર્મ પર વાયરલ થઈ રહ્યું છે. આ ટ્વીટની સાથે જોડાયેલા પત્રમાં રાહુલે તેમના ભાજપાના સમર્થનથી રાજ્યસભામાં પાસ થવાનો ઉલ્લેખ કર્યો છે. 

તેમણે લખ્યું છે કે દિવંગત કેન્દ્રીય મંત્રી અરૂણ જેટલીએ મહિલા આરક્ષણ બિલને ઐતિહાસિક અને મહત્વપૂર્ણ જણાવ્યું હતું. અરૂણ જેટલી તે સમયે વિપક્ષના નેતા હતા. 

રાહુલ ગાંધીએ આ પત્રમાં આગળ કહ્યું, "મહિલાઓને સશક્ત બનાવવાના મુદ્દા પર અમે બધા પાર્ટી પોલિટિક્સથી ઉપર ઉઠીને એક સાથે ઉભા છીએ. ભારતે આ સંદેશ આપ્યો છે કે અમારૂ માનવું છે કે બદલાવનો સમય આવી ગયો છે."