રાહુલ ગાંધીએ કોંગ્રેસના ચૂંટણી ઢંઢેરામાં ગુજરાતના મુદ્દાઓનો કરશે સમાવેશ

લોકસભા ચૂંટણીમાં કોંગ્રેસ લોકો માટે શું કરવા માંગે છે તેના માટે હાલ ચૂંટણી ઢંઢેરો તૈયાર કરવામાં આવી રહ્યો છે. કેન્દ્રના કોંગ્રેસના ઢંઢેરામાં ગુજરાતના મુદ્દાઓનો સમાવેશ થાય તે માટે ચૂંટણી ઢંઢેરા સમિતિની બેઠક મળી હતી.

જે બેઠકમાં ગુજરાતની માગ શું છે તે અંગે ચર્ચા કરવામાં આવી હતી. ઉદ્યોગપતિઓ વિવિધ ઉદ્યોગના જાણકારો શિક્ષણવિદો અને ખેડૂત પાસેથી સૂચનો મંગાવવામાં આવી રહ્યા છે કે કેન્દ્ર સરકારે શું કરવું જોઈએ? અને કોંગ્રેસની સરકાર પાસેથી એમની શું અપેક્ષાઓ છે તે જાણવામાં આવી રહ્યા છે.

કેન્દ્રના ચૂંટણી ઢંઢેરામાં ગુજરાતની માંગોને સમાવી શકાય. આગામી ૧૬ મી તારીખના રોજ ફરીવાર ચૂંટણી ઢંઢેરા સમિતિની બેઠક મળશે અને એ મુદ્દાઓને કોંગ્રેસ હાઈકમાન્ડ ને મોકલવામાં આવશે.