ક્યાંથી શોધી લાવ્યાં? / VIDEO : મુંબઈ હુમલો થયો ત્યારે રાહુલ ગાંધી છોકરીઓ સાથે ડાન્સ કરતા હતા, ધારાસભ્યનો દાવો

રાજસ્થાનના ભાજપના ધારાસભ્ય ગોપાલ શર્માએ એક મોટો દાવો કર્યો છે. ગોપાલ શર્માએ કહ્યું કે 2008ની સાલમાં મુંબઈમાં જ્યારે આતંકી હુમલો થયો ત્યારે રાહુલ ગાંધી પાર્ટીમાં છોકરીઓ સાથે ડાન્સ કરી રહ્યાં હતા. ઉલ્લેખનીય છે મુંબઈ હુમલા વખતે કેન્દ્રમાં કોંગ્રેસની સરકાર હતી.

દિલ્હીની બહારના ફાર્મહાઉસમાં પાર્ટી

ગોપાલ શર્માએ મંગળવારે રાજસ્થાન વિધાનસભામાં આ ટિપ્પણી કરી હતી .તેમના અધિકૃત X (અગાઉ ટ્વિટર) હેન્ડલ દ્વારા શેર કરવામાં આવેલ વિડિયોમાં તેઓ રાજસ્થાન વિધાનસભામાં તેમના સંબોધન દરમિયાન આ ટિપ્પણી કરતા જોવા મળ્યા હતા. તેમણે કહ્યું કે "જબ મુંબઈ મેં બૉમ્બ હમલા હુઆ તો રાહુલ ગાંધી રાત કો પાર્ટી કર રહે થે. લડકિયોં કે સાથ નાચ રહે થે. અખબારોં મેં છપા હૈ. શર્મા એક મીડિયા રિપોર્ટનો ઉલ્લેખ કરી રહ્યા હતા જેમાં જે કહેવામાં આવ્યું હતું કે, રાહુલ ગાંધી દિલ્હીની બહારના એક ફાર્મહાઉસમાં તેમના મિત્રો સાથે પાર્ટી કરવા ગયા હતા.

2008માં મુંબઈ પર આતંકી હુમલો

2008ની સાલમાં પાકિસ્તાનથી આવેલા આતંકવાદીઓએ મુંબઈ પર ભીષણ હુમલો કર્યો હતો જેમાં 200થી વધુ લોકોના મોત થયાં હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ