રાજનીતિ / કોંગ્રેસમાં પ્રાણ ફૂંકાયા બાદ રાહુલ ગાંધી વિદેશ પ્રવાસથી આવતાંની સાથે જ કરશે આ કામો

• પાર્ટી પ્રવક્તા સુરજેવાલાએ કહ્યું  રાહુલ ધ્યાન સાધના માટે સમય સમય પર વિદેશ જાય છે
• કોંગ્રેસ 1 નવેમ્બરથી અર્થવ્યવસ્થાના મુદ્દા પર પ્રેસ કૉન્ફ્રેસ અને પ્રદર્શન કરીને સરકારને ઘેરવાની તૈયારીમાં 

પૂર્વ કોંગ્રેસ અધ્યક્ષ રાહુલ ગાંધી ઓક્ટોબર મહિનામાં બીજી વખત વિદેશ યાત્રા પર ગયા છે. બીજી બાજુ એમની પાર્ટી ખરાબ અર્થવ્યવસ્થાના મુદ્દા પર સરકારની વિરુદ્ધ વ્યાપક વિરોધ પ્રદર્શનની તૈયારી કરી રહી છે. કોંગ્રેસ 1 થી 8 નવેમ્બરની વચ્ચે 35 પ્રેસ કૉન્ફ્રેન્સ કરીને સરકારને ઘેરવાનો પ્રયત્ન કરશે. 5 થી 15 નવેમ્બરની વચ્ચે આ મુદ્દા પર દેશવ્યાપી વિરોધ પ્રદર્શન પણ કરવામાં આવશે. 

રાહુલની વિદેશ યાત્રા પર પાર્ટી પ્રવક્તા રણદીપ સિંહ સુરજેવાલાએ બુધવારે કહ્યું કે, 'રાહુલ ગાંધી પહેલા પણ સમય સમય પર ધ્યાન સાધના માટે વિદેશ જતા રહે છે. પાર્ટીના વિરોધ પ્રદર્શનોની રૂપરેખા એમના નિર્દેશનમાં તૈયાર કરવામાં આવી છે. '

R Surjewala,Congress: Rahul Gandhi has gone in the past from time to time on a meditational visit, on which he is currently there, this entire programme (35 PCs from 1-8 Nov against Central govt over economic situation) was drafted as per his direction & in consultation with him. pic.twitter.com/5Y4bK2XjCB

— ANI (@ANI) October 30, 2019

વિરોધ પ્રદર્શનમાં સામેલ થશે
મીડિયા રિપોર્ટ અનુસાર રાહુલ આવતા સપ્તાહે સ્વદેશથી પરત ફરી શકે છે. એ દરમિયાન પાર્ટી આર્થિક મંદી અને બગડતી અર્થવ્યવસ્થાના આરોપમાં સરકારની વિરુદ્ધ વિરોધ પ્રદર્શન કરવા જઇ રહી છે. જાણકારી પ્રમાણે રાહુલ દેશ પરત ફરીને આ પ્રદર્શનોમાં સામેલ થઇ શકે છે. જણાવી દઇએ કે રાહુલ ઓક્ટોબરના પહેલા સપ્તાહે પણ વિદેશ યાત્રા પર ગયા હતા. એ દરમિયાન હરિયાણા અને મહારાષ્ટ્રમાં વિધાનસભા ચૂંટણી પ્રચાર જોરશોરમાં હતો. 

કોંગ્રેસ 35 પ્રેસ કૉન્ફ્રેન્સ કરશે
મહાસચિવ કેસી વેણુગોપાલે 23 ઓક્ટોબરને જારી નિવેદનમાં પાર્ટીના વિરોધ પ્રદર્શન પર જાણકારી આપી હતી. આ પ્રમાણે 1 થી 8 નવેમ્બરની વચ્ચે 35 પ્રેસ કૉન્ફ્રેન્સ કરવામાં આવશે. 5 થી 15 નવેમ્બરની વચ્ચે મોદી સરકાર વિરુદ્ધ અલગ અલગ શહેરોમાં વિરોધ પ્રદર્શન કરવામાં આવશે. એમાં હાજરી આપવા માટે અન્ય વિપક્ષી નેતાઓને પણ આમંત્રિત કરવામાં આવશે.