નિવેદન / Whatsapp જાસૂસી વિવાદ, રાહુલ ગાંધીએ રાફેલ ડીલનું ઉદાહરણ આપી મોદી સરકારને સંભળાવ્યું

• ઇઝરાયલી સ્પાઇવેયર 'પેગાસસ' દ્વારા જાસૂસીનો મામલો સામે આવ્યા બાદ રાજકીય ભૂકંપ
• રાહુલ ગાંધીએ સરકાર દ્વારા Whatsapp પાસે જવાબ માંગવા પર કટાક્ષ કર્યો
• ઇઝરાયલી સ્પાઇવેર પેગાસસ દ્વારા 1400 યૂઝર્સના ફોનને હેક કરવામાં આવ્યા હતા

રાહુલ ગાંધીએ કહ્યું કે આ એવુ જ છે જાણે મોદી દસૉને પૂછે કે રાફેલ વિમાનોને ભારતને વેચવાથી કોણે પૈસા બનાવ્યા. કોંગ્રેસ નેતાએ ટ્વિટ કર્યું, સરકારે Whatsappને પૂછ્યુ કે ભારતીય નાગરિકોની જાસૂસી માટે પેગાસસને કોણે ખરીદ્યું છે, આ એવુ જ છે કે જાણે મોદી દસૉને પૂછે કે રાફેલ જેટ્સના ભારતમાં વેચાણથી કોણે પૈસા બનાવ્યા. 

નોંધનીય છે કે વોટ્સએપએ ગુરુવારે જણાવ્યું કે ઇઝરાયલી સ્પાઇવેર પેગાસસ દ્વારા દુનિયાભરના 4 મહાદ્વીપોમાં લગભગ 1400 યૂઝર્સના ફોનને હેક કરવામાં આવ્યા હતા. વોટ્સએપને મે મહીનામાં આ અંગે જાણકારી મળી હતી. કંપનીએ જણાવ્યું કે પ્રભાવિતોમાં કેટલાક ભારતીય પત્રકાર અને સામાજિક કાર્યકર્તાઓ પણ સામેલ છે. પરંતુ તેણે તેની સંખ્યા નથી બતાવી.