રાજનીતિ / કોંગ્રેસના અધ્યક્ષ પદેથી રાજીનામુ આપ્યા બાદ રાહુલ-સોનિયા ગાંધી જશે વિદેશ પ્રવાસે

કોંગ્રેસ મહાસચિવ પ્રિયંકા ગાંધી પહેલાથી જ વિદેશમાં છે, એટલે કે તેઓ પણ કોંગ્રેસ કાર્ય સમિતિની બેઠકમાં હાજર નહીં રહે. તેવામાં હવે સ્પષ્ટ છે કે રાહુલ ગાંધીએ લોકસભા ચૂંટણીમાં મળેલી હારની જવાબદારી લીધી છે. 

જણાવી દઇએ કે રાહુલ ગાંધીએ બુધવારે લોકસભા ચૂંટણીમાં મળેલી હારની જવાબદારી લેતા કોંગ્રેસના અધ્યક્ષ પદેથી રાજીનામું આપી દીધું હતું.

રાહુલ ગાંધીએ બુધવારે કોંગ્રેસ અધ્યક્ષ પદેથી રાજીનામું આપી દીધું છે. રાહુલે રાજીનામા બાદ હવે કોંગ્રેસમાં અધ્યક્ષ પદ માટે હાલ કોઇ નેતા નજરે નથી આવી રહ્યા. તેવામાં માનવામાં આવી રહ્યું છે કે હવે કોંગ્રેસ વર્કિંગ કમિટીની બેઠક બોલાવવામાં આવશે. આ બેઠકને સંગઠન મહાસચિવ કેસી વેણુગોપાલ બોલાવશે.

કોંગ્રેસ વર્કિંગ કમિટીની બેઠકમાં રાહુલના રાજીનામાંનો સ્વીકાર કે અસ્વીકાર કરવા પર ચર્ચા થશે. બાદમાં કોઇ નવા અધ્યક્ષને અથવા પછી એક ગ્રુપને અંતરિમ રીતે નિર્ણય કરવા માટે અધિકૃત કરવામાં આવી શકે છે. આ સિવાય સામૂહિક નેતૃત્વનો પણ વિકલ્પ છે.