હિજાબ વિવાદ / રાહુલ ગાંધીએ શેર કરેલી આ તસ્વીર તમારૂ દિલ જીતી લેશે, એકતા જ આપણી તાકાત

• હિજાબ વિવાદ વચ્ચે રાહુલ ગાંધીએ શેર કરી તસ્વીર
• સાચ્ચા ભારતની કલ્પનાને રજૂ કરતી તસ્વીર
• હિજાબ વિવાદ પર કોર્ટમાં ચાલી રહી છે સુનાવણી

દેશભરમાં ચાલી રહેલા હિજાબ વિવાદને લઈને કોંગ્રેસ નેતા રાહુલ ગાંધીએ પોતાની પ્રતિક્રિયા આપી છે. રાહુલ ગાંધીએ એક તસ્વીર શેર કરી છે. તસ્વીરને શેર કરતા રાહુલ ગાંધીએ લખ્યું છે કે, એકજૂટ થઈને આપણે ઊભા રહીએ છીએ, મેરા ભારત. રાહુલ ગાંધીએ જે તસ્વીર શેર કરી છે, તેમાં લખ્યું છે કે, અમુક છોકરીઓ સ્કૂલ જઈ રહી છે. જેમાં ચાર છોકરીઓએ માસ્ક પહેર્યું છે, જ્યારે એક છોકરીએ હિજાબ પહેર્યો છે. હિજાબ પહેરેલી છોકરી ચારેય છોકરીઓની વચ્ચે ચાલી રહી છે. હિજાબ પહેરેલી છોકરીનો હાથ બાકીની છોકરીઓએ પકડી રાખ્યો છે. 

United we stand.

My India. pic.twitter.com/xUih16LVo7

— Rahul Gandhi (@RahulGandhi) February 17, 2022

રાહુલ ગાંધીએ શેર કરી તસ્વીર

જણાવી દઈએ કે, કર્ણાટકના ઉડ્ડપી શહેરથી શરૂ થયેલો હિજાબ વિવાદ સમગ્ર દેશમાં ચર્ચાનો વિષય બનેલો છે. આ મામલે સુનાવણી કર્ણાટક હાઈકોર્ટમાં ચાલી રહી છે. મામલાની સુનાવણી દરમિયાન કોર્ટે કહ્યું કે, સંવિધાન અમારી ભગવત ગીતા છે,  છેલ્લા કેટલાય દિવસથી આ મામલે સુનાવણી ચાલી રહી છે. બંને પક્ષો પોત-પોતાની દલીલો રાખી રહ્યા છે. મુસ્લિમ વિદ્યાર્થિનીઓના વકીલ રવિ વર્મા તરફથી કહેવાયુ છે કે, અલગ અલગ ધર્મ સાથે જોડાયેલ લોકો ક્રોસ, લોકેટ, બંગડી, બિંદી-પાઘડી પહેરે છે. પણ તેમને લઈને કોઈ સવાલ કરવામાં આવતો નથી. પણ સરકારના આદેશ ફક્ત હિજાબ પર સવાલ ઉઠાવે છે. આ લોકોને સ્કૂલમાંથી બહાર કાઢી શકાય નહીં. કોલેજની અંદર વિકાસ સમિતિની રચના લોકતંત્રની હત્યા કરી રહી છે.

કોર્ટમાં ચાલી રહી છે સુનાવણી

એટલું જ નહીં રવિ કુમારે કહ્યું હતું કે, ધર્મના આધારે વિદ્યાર્થિનીઓ પર ભેદભાવ થઈ રહ્યો છે. શાસન તરફથી જે આદેશ આપવામાં આવ્યા છે, તેમાં ધાર્મિક ચિન્હો વિશે કંઈ કહેવામાં આવ્યું નથી. ફક્ત હિજાબને લઈને સવાલો ઊભા કરવામાં આવે છે. આવું શું ફક્ત તેમના ધર્મના કારણે થાય છે. આ સંવિધાનના અનુચ્છેદ 15નું ઉલ્લંઘન છે. અમારી કોઈ સુનાવણી નથી થતી. આખરે શા માટે ડાયરેક્ટ અમને સજા આપવામાં આવે છે.