નિવેદન / આજે PM મોદીના અહંકારથી જવાન અને કિસાન એકબીજાની સામસામે આવી ગયા: રાહુલ ગાંધી

એક તરફ કોંગ્રેસના પૂર્વ અધ્યક્ષ રાહુલ ગાંધીએ ખેડુતો વિરુદ્ધ સરકારની કાર્યવાહીને વડાપ્રધાન નરેન્દ્ર મોદીનો અહંકાર ગણાવ્યો હતો, ત્યારે કોંગ્રેસના મહામંત્રી પ્રિયંકા ગાંધીએ આરોપ લગાવ્યો હતો કે ભાજપ સરકાર અબજોપતિ મિત્રો માટે કાર્પેટ બિછાવે છે પરંતુ જો ખેડૂત દિલ્હી આવે છે તો તેના રસ્તાઓ ખોદવામાં આવી રહ્યા છે.

"આજે PM મોદીના ઘમંડથી જવાન ખેડૂત એકબીજાની સામ સામે આવી ગયા"

કોંગ્રેસ નેતા રાહુલ ગાંધીએ PM મોદી પર નિશાન સાધ્યું હતું. રાહુલે ટ્વીટ કર્યું, એક ખૂબ જ દુઃખદ ફોટો છે. અમારું સૂત્ર 'જય જવાન જય કિસાન' હતું, પરંતુ આજે PM મોદીના ઘમંડથી જવાન ખેડૂત એકબીજાની સામ સામે આવી ગયા છે. 

बड़ी ही दुखद फ़ोटो है। हमारा नारा तो ‘जय जवान जय किसान’ का था लेकिन आज PM मोदी के अहंकार ने जवान को किसान के ख़िलाफ़ खड़ा कर दिया।

यह बहुत ख़तरनाक है। pic.twitter.com/1pArTEECsU

— Rahul Gandhi (@RahulGandhi) November 28, 2020

તે જ સમયે પ્રિયંકા ગાંધીએ કહ્યું કે, ભાજપ સરકારમાં દેશની સિસ્ટમ જુઓ. ભાજપ સરકાર અબજોપતિ મિત્રો માટે રેડ કાર્પેટ બિછાવે છે પરંતુ જો ખેડૂત દિલ્હી આવે છે તો તેના રસ્તાઓ ખોદવામાં આવી રહ્યા છે. તેમણે દિલ્હીમાં ખેડૂતો વિરુદ્ધ કાયદો બનાવ્યો, પરંતુ જો સરકારને પોતાની રજુઆત કહેવા માટે ખેડૂત દિલ્હી આવ્યા તો તે ખોટું?

ખેડુતોને બુરાડીના નિરંકારી મેદાનમાં પ્રદર્શન કરવાની મંજૂરી આપવામાં આવી 

કૃષિ કાયદાઓનો વિરોધ કરી રહેલા ખેડુતોએ ટિકરી અને સિંઘુ બોર્ડર પર પડાવ કર્યો છે. જો કે પંજાબથી દિલ્હી આવેલા ખેડુતોને બુરાડીના નિરંકારી મેદાનમાં પ્રદર્શન કરવાની મંજૂરી આપવામાં આવી છે. જ્યાં તેમના રોકાણ અને અન્ય સુવિધાઓની વ્યવસ્થા કરવામાં આવી છે. દિલ્હી ટિકરી અને સિંઘુ સરહદ પર હજુ પણ ખેડૂતનો જમાવડો છે. જોકે કેટલાક ખેડુતો રાતોરાત મેદાનમાં આવી ગયા છે.

"અમે અહીં લાંબી લડાઇ માટે છીએ"

ખેડુતો આંદોલનના મોરચા પર ઉભા છે. પંજાબના એક ખેડૂતે કહ્યું કે જ્યાં સુધી કૃષિ કાયદા પાછા નહીં ખેંચાય ત્યાં સુધી અમારો વિરોધ ચાલુ રહેશે. અમે અહીં લાંબી લડાઇ માટે છીએ. બીજા ખેડૂતે કહ્યું કે અમે પીછેહઠ કરીશું નહીં. અમે છ મહિનાનું રેશન લાવ્યા છીએ. અમારું આંદોલન ચાલુ રહેશે.

સરકાર ખેડૂતોના મુદ્દે નિષ્ફ્ળ - રાકેશ ટિકૈત 

ઉત્તર પ્રદેશમાં ભારતીય ખેડૂત સંઘે પણ દિલ્હી તરફ કૂચ કરી છે. ખેડૂત સંઘના પ્રવક્તા રાકેશ ટિકૈતે જણાવ્યું હતું કે સરકાર ખેડૂતોના મુદ્દાને ઉકેલવામાં નિષ્ફળ ગઈ છે. હવે અમે પંજાબથી આવેલા ખેડૂતોના સમર્થન માટે દિલ્હી જઈ રહ્યા છીએ.