અસમમાં ચૂંટણી પહેલા રાહુલ ગાંધી આજે કામાખ્યા મંદિરમાં પહોંચ્યા હતા ત્યારે ચૂંટણી પ્રચારમાં તેમણે નરેન્દ્ર મોદીની જુઠ્ઠા ગણાવ્યા છે.
24 કલાક જૂઠ બોલે છે પીએમ મોદી : રાહુલ ગાંધી
હું ખોટું બોલવા નથી આવ્યો, મારુ નામ નરેન્દ્ર મોદી નથી : રાહુલ ગાંધી
CAA અસમ પર હુમલો છે : રાહુલ ગાંધી
હું ખોટું બોલવા નથી આવ્યો : રાહુલ ગાંધી
કોંગ્રેસ પાર્ટીના નેતા રાહુલ ગાંધી ચૂંટણી પહેલા અસમના પ્રવાસે છે ત્યારે કામરૂપમા તેમણે પીએમ નરેન્દ્ર મોદીને પોતાના નિશાને લીધા હતા. રાહુલ ગાંધીએ લોકોને સંબોધિત કરતાં કહ્યું કે હું અહિયાં ખોટું બોલવા નથી આયો. મારુ નામ નરેન્દ્ર મોદી નથી. જૉ તમે જૂઠ સાંભળવા માંગો છો તો પોતાનું ટીવી ઓન કરો અને નરેન્દ્ર મોદીનો ચેહરો જોઈ શકો છો.
અમે જે કહ્યું એ નિભાવ્યું : રાહુલ ગાંધી
રાહુલ ગાંધીએ કહ્યું કે ભારતીય જનતા પાર્ટી રોજગાર આપવાના કોઈ પ્રયાસ કરતી નથી, યુવાનોને મદદ નથી કરતી. CAA દ્વારા અસમ પર આક્રમણ કરવામાં આવી રહ્યો છે. આ માત્ર કાયદો નથી. તમારા ઇતિહાસ, ભાષા અને ભાઇચારા પર કરવામાં આવેલ આક્રમણ છે. નોંધનીય છે કે ચૂંટણી પહેલા રાહુલ ગાંધીએ આજે કામાખ્યા મંદિરમાં માતાજીના દર્શન પણ કર્યા હતા. તેમણે કહ્યું કે કોંગ્રેસ પાર્ટી પાંચ ગેરંટી આપે છે અને તે જ અમારો મુખ્ય મુદ્દો છે. અમે ભાજપ નથી. અમે છત્તીસગઢ, પંજાબ, કર્ણાટકમાં કહ્યું હતું કે દેવું માફ કરીશું અને અમે માફ કર્યું છે.
હિંસાનો યુગ સમાપ્ત કર્યો : શાહ
બીજી તરફ આજે ભાજપના નેતા અમિત શાહ પણ અસમમાં જ પ્રચાર કરવા માટે પહોંચ્યા હતા ત્યારે અમિત શાહે કહ્યું કે પાંચ વર્ષ પહેલા મેં આ જગ્યા પર જ કહ્યું હતું કે ભાજપની સરકાર બનાવી દો અમે રાજ્યને આતંકવાદથી મુક્ત કરી દઇશું. મેં વાયદો કર્યો હતો લે એક વિકસિત અસમ આપીશું. આજે બધા જ વાયદા પૂરા કરીને ભાજપ ફરીથી આશીર્વાદ માંગવા આવી છે. અમે કહ્યું હતું કે અસમમાં હિંસાનો યુગ સમાપ્ત કરીને શાંતિ સ્થાપિત કરીશું.
અજમલને ઉખાડીને ફેંકી દઇશું : શાહ
અમિત શાહે કહ્યું કે કોંગ્રેસ ક્યારેય હિંસા અને આતંકવાદને સમાપ્ત કરવા માંગતી જ ન હતી. અમે ડબલ એન્જિનની સરકારના માધ્યમથી અસમને વિકાસના રસ્તા પર લઈ જવાનું કામ કર્યું છે. મોદીજીએ અસમના વિકાસ માટે ખૂબ બધા કામ કર્યા છે. બ્રહ્મપુત્ર નદી પર 6 પુલ બનાવવામાં આવ્યા છે અને તેલ ક્ષેત્રના વિકાસ માટે પણ 46 હજાર કરોડ રૂપિયા આપવામાં આવ્યા છે. અમિત શાહે હુંકાર ભરતા કહ્યું કે અજમલ કાન ખોલીને સાંભળી લે, અસમમાં ઘૂશણખોરોનો અડ્ડો નહીં બનવા દઈએ. તમને ઉખાડીને ફેંકી દેવાનું કામ ભાજપ કરશે.