કોંગ્રેસના પૂર્વ અધ્યક્ષ રાહુલ ગાંધીનો કેન્દ્રની નરેન્દ્ર મોદી સરકાર પર હુમલો યથાવત છે.
બેરોજગારીના મુદ્દા પર કેન્દ્ર સરકારને ઘરવાનો પ્રયાસ કર્યો
સરકાર આપી રહી છે પોલીસના ડંડા, વોટર ગનનો મારો, એન્ટી નેશનલનું ટેગ અને બેરોજગારી
આ પહેલા અનેક મુદ્દાઓને લઈ સરકાર પર પ્રહાર કરી ચૂક્યા છે રાહુલ
બેરોજગારીના મુદ્દા પર કેન્દ્ર સરકારને ઘરવાનો પ્રયાસ કર્યો
એક તરફ રાહુલ ગાંધીએ ગુરુવારે વિદેશી ઈન્સ્ટીટ્યૂટની રિપોર્ટના હવાલો આપતા કહ્યું હતુ કે ભારત હવે લોકતાંત્રિક દેશ નથીં રહ્યો. ત્યારે આજે એટલે કે શુક્રવારે તેમણે બેરોજગારીના મુદ્દા પર કેન્દ્ર સરકારને ઘરવાનો પ્રયાસ કર્યો છે.
સરકાર આપી રહી છે પોલીસના ડંડા, વોટર ગનનો મારો, એન્ટી નેશનલનું ટેગ અને બેરોજગારી
તેમણે ટ્વીટ કરી લખ્યુ કે વિદ્યાર્થીઓને નોકરી જોઈએ છે પરંતુ સરકાર આપી રહી છે પોલીસના ડંડા, વોટર ગનનો મારો, એન્ટી નેશનલનું ટેગ અને બેરોજગારી. આ સાથે રાહુલ ગાંધીએ સ્ટુડેન્ટ્સ વોન્ટ જોબ્સ. એટલે કે વિદ્યાર્થીઓને નોકરી જોઈએનું હૈશટેગ પણ લગાવવામાં આવ્યું છે.
#StudentsWantJobs
लेकिन सरकार दे रही है-
पुलिस के डंडे
वॉटर गन की बौछार
एंटी नैशनल का टैग
और बेरोज़गारी।
ઉલ્લેખનીય છે કે આ પહેલા રાહુલે ટ્વિટમાં લખ્યું હતું કે પાકિસ્તાનની રીતે ભારત પણ ઓટોક્રેટિક છે, અને ભારતની સ્થિતિ તો બાંગ્લાદેશ કરતા પણ ખરાબ છે, આમાં સ્વીડનની ઇન્સ્ટિટ્યૂટ ઓફ ડેમોક્રસી રિપોર્ટનો સન્દર્ભ ટાંકવામાં આવ્યો હતો. કોંગ્રેસ નેતા રાહુલ ગાંધીએ આજે કેન્દ્રની મોદી સરકારની સામે વધુ એક વાર મોરચો ખોલીને પ્રહારો કર્યા છે, આ વખતે ટ્વીટરમાં એક વિદેશી ઇન્સ્ટિટ્યૂટની રિપોર્ટને ટાંકવામાં આવી છે જેમાં કહેવામાં આવ્યું છે કે ભારત હવે ઈલેક્ટોરલ ડેમોક્રસી નથી રહ્યું.
સ્વીડનની વી ડેમ ઇન્સ્ટિટ્યૂટે તેના રિપોર્ટમાં દાવો કર્યો હતો કે...
નોંધનીય છે કે સ્વીડનની વી ડેમ ઇન્સ્ટિટ્યૂટે તેના રિપોર્ટમાં દાવો કર્યો હતો કે ભારતમાં હવે ચૂંટાયેલી અથવા ચૂંટવા જેવી લોકશાહી નથી રહી, ભારતને આપ રિપોર્ટમાં ઇલેક્ટોરલ ઓટોક્રસીના રૂપમાં વર્ગીકૃત કરવામાં આવી છે. ઓટોક્રસીનો મતલબ નિરંકુશ સત્તા જેવો થાય છે જે તાનાશાહીની સમાંતર હોય, આમ દુનિયાની સૌથી મોટી લોકશાહી ભારતને આ લિસ્ટમાં ઇલેકટોરલ ઓટોક્રસી તરીકે વર્ગીકૃત કરવામાં આવી છે.
છેલ્લા કેટલાક સમયથી મોદી સરકારની વિરુદ્ધમાં સતત પ્રહાર કરે છે રાહુલ
નોંધનીય છે કે છેલ્લા કેટલાક સમયથી મોદી સરકારની વિરુદ્ધમાં સતત હમલાવર રહેતા કોંગ્રેસના પૂર્વ અધ્યક્ષ રાહુલ ગાંધીએ બુધવારે કમ્પટ્રોલર એન્ડ ઓડિટર જનરલ (CAG) ના અહેવાલમાં કથિત વિલંબનો મુદ્દો ઉઠાવ્યો હતો અને સોશિયલ મીડિયા પર એક ટેબલ શેર કરતી વખતે 'CAGed' (કેજડ) શબ્દનો ઉપયોગ કર્યો હતો. આમ રાહુલ ગાંધીએ આ વખતે પણ આડકતરી રીતે મોદી સરકાર અને તેમના વહીવટી તંત્ર પર સવાલો ઉઠાવ્યા હતા.