સશસ્ત્રો દળોના સેવા નિવૃત્ત અધિકારીઓના એક સમૂહે ભારત-ચીન વચ્ચે ચાલી રહેલા તણાવ પર કોંગ્રેસ સાંસદ રાહુલ ગાંધીના નિવેદનની કડી નિંદા કરી છે. નિવૃત્ત આર્મી ઓફિસરોએ રાહુલ ગાંધીના નિવેદનને ખોટી સોચથી પ્રભાવિત અને રાષ્ટ્રિય હિતો વિરુદ્ધનું ગણાવ્યું. નિવૃત્ત આર્મી ઓફિસરોએ જણાવ્યું કે ચીન સાથે સરહદ વિવાદ પર કોંગ્રેસ નેતાના ટ્વિટ અને નિવેદન પર તેમની અજ્ઞાનતા પ્રકટ થઇ રહી છે અથવા પહેલા પ્રધાનંત્રી જવાહરલાલ નેહરૂના સમયમાં થયેલી ઐતિહાસિક ભૂલોને નજરઅંદાજ કરવાની સમજદાવીપૂર્વકની રાજનીતિ છે.
પૂર્વ સૈન્ય અધિકારીઓએ રાહુલ ગાંધી પર સાધ્યું નિશાન
લેફ્ટિનેન્ટ જનરલ નિતિન કોહલી, લેફ્ટિનેન્ટ આરએન સિંહ અને મજર જનરલ એમ શ્રીવાસ્તવ સહિત 9 પૂર્વ આર્મી ઓફિસરો એક નિવેદન રજૂ કર્યું છે. જેમાં કહેવામાં આવ્યું છે કે, અમે સિનિય આર્મ્ડ ફોર્સેજ વેટરંસના સમૂહ તરીકે ખોટી સોચથી પ્રભાવિત અને ખોટા સમયમાં આપવામાં આવેલા રાહુલ ગાંધીના નિવેદનો અને ટ્વિટની કડક નિંદા કરીએ છીએ. જેના દ્વારા રાહુલ ગાંધીએ ભારત-ચીન સરહદ વિવાદથી નિપટવાને લઇને અમારી સેના અને સરકાર પર સવાલ ઉઠાવ્યાં છે.
રાહુલ ગાંધીને નેહરૂની મોટી ભૂલની અપાવી યાદ
પૂર્વ આર્મી ઓફિસરોએ કહ્યું કે રાહુલ ગાંધીનું નિવેદન આપણી રાષ્ટ્રીય હિતો માટે ઘણું નુકસાનકારક છે. રાહુલ ગાંધી અને કોંગ્રેસના અન્ય નેતાઓને ભૂતકાળમાં ભારતીય સશસ્ત્ર દળોને ગ્રાઉન્ડ અને એર સ્ટ્રાઇક પર સવાલ ઉઠાવ્યાં હતા. આર્મી ઓફિસરોના સમૂહે પૂછ્યું કે શું રાહુલ ગાંધી જાણતા નથી કે નેહરૂએ તિબ્બેટને ડીશમાં સજાવીને ચીનને સોંપી દિધું હતું અને ચીનને એક્સાઇ ચીનમાં રોડ બનાવી લીધો, ત્યારે બાદ તેના પર કબ્જો કરી લીધો ત્યારે નેહરૂ પ્રધાનમંત્રી હતા ?
પૂર્વી આર્મી ઓફિસરોનો કોંગ્રેસ પર મોટો હુમલો
નિવૃત્ત આર્મી ઓફિસરોએ સરહદી વિસ્તારમાં બેઝિક મિલેટ્રી ઇન્ફ્રાસ્ટ્રકચરના અભાવ માટે કોંગ્રેસને જવાબદ ઠેરવી છે અને કહ્યું કે જે પાર્ટીએ ભારત પર સૌથી લાંબો સમય સુધી શાસન કર્યું, તેઓ જ સરહદ પરના ઇન્ફ્રાસ્ટ્રકચરના વિકાસને નજરઅંદાજ કરવા માટે સીધા દોષી છે.
હાલની સરકારની રણનીતિની પ્રશંસા કરી
પૂર્વ સૈન્ય અધિકારીઓએ કહ્યું કે વિપક્ષે ચીનની સાથે સરહદ વિવાદનો હળ નિકાળવા માટે સરકાર સાથે ઉભા રહેવું જોઇએ. એ સિવાય તેની સામેનો કોઇ પ્રયત્ન માફી લાયક ન કહેવાય કારણ કે આવો પ્રયત્ન રાષ્ટ્રીય હિતો વિરુદ્ધનો છે. આ સાથે પૂર્વી આર્મી ઓફિસરોના સમૂહે સરકારના એ કામની પ્રશંસા કરી કે સરહદ પર ઝડપથી ઇન્ફ્રાસ્ટ્રકચર તૈયાર કરવા પ્રતિબદ્ધતા દર્શાવી રહી છે.