રાફેલ ડીલ મામલે ફરી બોલ્યા રાહુલ ગાંધી 'અમે આ મુદ્દાને ભારતની ગલી-ગલીએ લઈ જઈશું' 

રાફેલ ડીલ મામલે નરેન્દ્ર મોદીને રાહુલ ગાંધી સતત ઘેરી રહ્યા છે. રાફેલ ડીલમાં ભ્રષ્ટાચાર થયો હોવાના સતત આક્ષેપો ચાલી રહ્યા છે. જ્યારે ફરી એક વખત કોંગ્રેસ અધ્યક્ષ રાહુલ ગાંધીએ રાફેલ ડીલને લઈને કેન્દ્ર સરકારને નિશાને લીધા છે. 

બેંગલોરમાં રાહુલ ગાંધીએ મોદી સરકાર પર સરકારી કંપનીઓને નષ્ટ કરવાનો પણ આરોપ લગાવ્યો. તેઓએ HAL કંપનીના કર્માચારીઓને કહ્યું કે રાફેલ તમારો અધિકાર છે. અમે આ મુદ્દાને ભારતની ગલી ગલીએ લઈ જઈશું. 

અમે HALની સાથે ઉભા છીએ અને આ લડાઈ લડીશું. અમે વાયુસેનાની સાથે ઉભા રહીશું અને લડાઈ લડીશું.  HALએ દેશ માટે શાનદાર કામ કર્યુ છે અને આપણી સુરક્ષા કરી છે. જેથી દેશ HALનો કર્જદાર છે.

આ પહેલાં પણ રાહુલ ગાંધીએ મોદી પર પ્રહાર કરતા કહ્યું હતું કે UPA સમયમાં HALને કોન્ટ્રાક્ટ અપાયો હતો. યુપીએ સરકારમાં 126 હવાઈ જહાજનો કોન્ટ્રાક્ટ અપાયો હતો. પીએમ મોદીએ એક રાફેલના 526 કરોડના બદલે 1 600 કરોડ ચુકવ્યા.

1 ક્લિક પર જોડાવો VTV ના સોશિયલ એકાઉન્ટ્સ સાથે...